Ishki ister mınıstrliginiń Tótenshe jaǵdaılar komıtetiniń baspasóz qyzmetiniń taratqan málimetterine súıensek, qaıǵyly oqıǵa osy kúni tús mezgiline deıingi ýaqytta oryn alǵan. 1958 jylǵy er adam 8 naýryz kúni tańǵy saǵat 10:30-da shańǵymen qala shetine shyǵyp ketip, sol kúıi oralmaǵan. Marqumdy kólemi 60 tekshe metr qar kóshkini basyp qalǵan. О́rt sóndirý jáne apattyq qutqarý qyzmetiniń mamandary onyń denesin Rıdderge jetkizgen.
Bul óńirde 7-11 naýryz aralyǵynda qar kóshkini qaýpi bolatyny týraly jergilikti telearna arqyly habarlanǵan eken. Tótenshe jaǵdaı qyzmeti oblys turǵyndaryna kóshkin qaýpi jaıynda eskertý berilgen mezgilde taýǵa shyqpaýǵa keńes beredi.
Azamat QASYM,
«Egemen Qazaqstan»
Shyǵys Qazaqstan oblysy
