Asqar Hamzın osydan on jyl buryn Aqqaıyń aýdanyna qarasty № 3 Smırnov mektebinbasqaryp turǵanda oqýshylarǵa aýlasynyń qaryn kúretip, baqshasynyń aramshóbin julǵyzyp, otynyn jarǵyzǵan. Prokýratýra tekserý barysynda sondaı-aq balalardyń tamaǵyna zańsyz aqsha jınatqyzǵanyn da anyqtaǵan. Zańǵa qıǵash osyndaı áreketteri úshin jumystan alastatylǵan.
Alaıda, onyń budan keıin Shal aqyn aýdany Afanasevka aýyldyq okrýginiń ákimi bolyp taǵaıyndalǵany, arnaıy tekserýden qalaı ótkeni túsiniksiz. Jańa qyzmette qolastyndaǵylardy otyn kesýge kúshtep jiberip,qyzmetkerlerdiń birin ara shaǵyp, oqıǵa ornynda kóz jumǵan. Eks-ákim bolsa tártiptik keńestiń qyzmetten bosatý týraly sheshimimen kelispeı sotqa júgingen. Biraq jeńilis tapqan.
Sýǵa salsa batpaıtyn, otqa salsa kúımeıtin «batyryń» byltyr Aıyrtaý aýdanyndaǵy Tómengi Burlyq mektebine muǵalim bolyp ornalasyp, ile-shala múıizi qaraǵaıdaı dırektor bolyp shyǵa kelgen. Onyń basshylyq qyzmet atqarýǵa esh quqy joǵyn bile tura aýdandyq oqý bólimi jolsyzdyqqa kóz juma qaraǵan. Ádep keńesiniń jýyrda ótken otyrysynda mektep dırektoryn qyzmetten bosatýǵa sheshim alynyp, aýdandyq oqý bóliminiń jetekshisi ákimshilik jaýapkershilikke tartylatyn boldy.
О́mir Esqalı.
«Egemen Qazaqstan».
Soltústik Qazaqstan oblysy.
