Qylmystyq-atqarý júıesiniń basshylyǵy úsh ónerpazdyń birneshe sýretin Máskeýde Reseı, Qazaqstan, Ýkraına jáne Belarýs ókilderiniń qatysýymen ótken baıqaýǵa joldap, jarys qorytyndysynda mekeme birinshi orynǵa laıyq dep tanyldy. Birinshi oryn sondaı-aq Qudaı ana beınesindegi «Meıirim» ıkonasy úshin Oksana Voıdıloǵa buıyrdy.
«Petropavl-Býlaev eparhııasynyń dinı qyzmetkeri Serfım mekemege kelgen saparlarynyń birinde sottalǵandardyń kórkemdik sheberligine erekshe nazar aýdaryp, onyń halyqaralyq provaslavty kórkemsýret baıqaýyna qatysý týraly usynysy jergilikti basshylyq tarapynan qoldaý tapty. Úzdik shyǵarmalardy Serafım ákeı ózi apardy. Halyqaralyq baıqaýdyń gramotalary men baǵaly syılyqtaryn da saltanatty túrde tabys etti», deıdi tárbıe jumystary bóliminiń jetekshisi, ádilet maıory Tamara Prokofeva.
Atalmysh shara tek bas bostandyǵynan aırylǵan áıelde arasynda uıymdastyrylyp, 120-dan astam týynda sarapqa túsken. Oksana bostandyqtyń saf aýasymen tynystap júrgende sýret salýmen múldem shuǵyldanbaǵan .Temir tordyń ar jaǵynda erkindiktiń qadirin túsinip, ...ishki jan tolqynysyn, týǵan-týysqandaryna degen saǵynysh sezimin sýret salý arqyly basqan. Onyń aıtýynsha, Áýlıe Ana, Isa paıǵambarlardyń ıkonalaryn jasaýǵa Anastasııa sııaqty áriptesteri úlken járdem kórsetken.
О́mir Esqalı.
«Egemen Qazaqstan».
Soltústik Qazaqstan oblysy.
