«Bala qazir sabaqta. Qasynda qazir ájesi jáne tátesi bar. Qaýipsizdik jaǵdaıyn jasadyq, qarny toq. Jaǵdaıy jaqsy. Mektepke baryp júr. Qazir baryp bilip keldik», - deıdi Zaǵıpa Balıeva.
Budan keıin ombýdsmen Almaty qalasynda júrgizilýi tıis bolǵan ekspertızaǵa ne sebepti tyıym salǵanyn túsindirdi.
«Sizdiń qandaı ekspertıza týraly aıtyp jatqanyńyzdy túsinbedim. Almatyda eshqandaı ekspertıza jasalǵan joq. Anasy týraly aıtar bolsam. Birneshe kúnnen beri biz ony ózimiz taba almaı jatyrmyz. Tátesine balanyń anasyna qaraı baǵyttaýǵa tyrystyq. Qajet dep tapsańyzdar, qazir birneshe adam ápkesine baryp sóılese alady. Balany da, ápkesin de kórińizder. Qazir balanyń jaǵdaıy jaqsy. Birinshi kezekte balany oılaıyqshy. Sizder eresek adamsyzdar. Bul saraptamanyń bala úshin qanshalyqty qıyn ekenin bilip turǵan shyǵarsyzdar. Men qandaı jaǵdaı bolmasyn, birinshi orynǵa balanyń densaýlyǵyn qoıamyn», - dedi Zaǵıpa Balıeva. Sondaı-aq ombýdsmen balanyń otbasyna páter syılanady degen aqparatty joqqa shyǵardy.
«Balanyń otbasyna páter syılanady dep eshkim aıtqan joq. Sol sebepti, jýrnalısterge aqparat durys jetpeı qalǵan sııaqty. Al mektep dırektoryna keletin bolsaq, ony tanymaımyn. Aýylǵa barǵan emespin. Sebebi, men Shymkentke ushyp kelgen kezde, bala sol jerde boldy. Bul dırektordyń kimniń týysy ekeninde sharýam joq. Bul suraqty jaýapsyz qaldyrýǵa ruqsat etińizder. Sebebi, bul suraqqa aıtar naqty jaýabym joq. Sondaı-aq, men olardy poıyzdan túsirýge buıryq bergen joqpyn», - dedi Zaǵıpa Balıeva.
Brıfıng barysynda Zaǵıpa Balıeva balaǵa keshendi ári tolyqqandy saraptama júrgizý kerektigin aıtty. «Keshendi, tolyqqandy bir saraptama júrgizý qajet. Ony qazirgi ýaqytta zańnamalyq quqyǵyna sáıkes tergeýshi taǵaıyndady. Saraptama eki taraptyń da ókilderin, joǵary bilikti mamandardy tarta otyryp, keshendi, tolyqqandy bolýy tıis», - dedi Zaǵıpa Balıeva. Onyń aıtýynsha, saraptama barynsha shynaıy jáne qaıta tekserýlerdi qajetsinbeıtindeı bolýy, barlyq taraptar onyń shynaıylyǵyna senimdi bolýy qajet. «Tergeý saraptama nátıjelerin qoǵamǵa jetkizetin bolady dep oılaımyn», - dedi ol
