KELEShEKTI BOLJAǴAN KEMEL JOLDAÝ

Sonaý qıynshylyqqa toly 90-shy jyldardyń ekinshi jartysynda Elbasynyń bas­tamasymen elimizdi damytýdyń 2030 jylǵa deıingi aýqymdy baǵdarlamasy qabyldanǵan bo­la­tyn. Mine, endi sol baǵdar­lamanyń alǵashqy on jyl­dy­ǵyn qorytyndylap otyrǵan jaıymyz bar. BASTAP BIZDI BIIKTERGE Bul Joldaý – basqalardan bólek eken. El úshin eskergeni erek eken. Halyqtyń qamyn oılap, Kómek berer Azamat qaı kezde de kerek eken. Bul Joldaý jalpaq eldi demegendeı, О́zgege úlgi bolar ónegemdeı. Ústine aýyr júkti tıep alyp, Taıpalǵan – beti qaıtpas kemelerdeı. Bolsa da jaryp ótip tolqyn qandaı, Kezdesken kemistikti toltyrǵandaı. Ony da eskeredi, qosh kóredi, Keltirip retine – olqyń qandaı?! Bul Joldaý—jarqyraǵan jańalyǵy, Oıatqan odan ári sanalyny. Bul ózi órken jaıǵan memleket. Meńgergen – Elbasynyń danalyǵy. Qazaqstan gúldendi daralanyp, Jan-jaǵyna qyrandaı qarap alyp. Elimizdiń eńsesin kótergendeı, EQYU-ǵa etkeni tóraǵalyq. Osy ǵoı, Elimizdiń óskendigi, Osy ǵoı, bastan bulttyń kóshkendigi. Bári de Elbasynyń bilgirligi, Eshqashan shyǵarmaımyz esten muny. Bári de Elbasynyń alǵyrlyǵy, Saıraıdy “Nur-Otan” dep án bulbuly. Jelpinip Saryarqanyń samalymen, Kóńilde terbelgendeı jannyń gúli. Qoldaǵan ardaq tutyp atalardy, Qoldaǵan bolashaǵym – Analardy, Tek qana qoldap qoımaı, qamqorlyqqa Elbasy alyp otyr balalardy. Joldaýdyń osy jolǵy jóni bólek, Qoldaıtyn el-jurtymda senim erek. Bastaıtyn bıikterge týǵan eldi, Dananyń dara salǵan joly kerek. Berispeı daýylǵa da, jaýynǵa da, Kórkeıdi kúnnen kúnge aýyl-dala. Tartamyz dos kóńilmen, týystyqpen, Balasyn barlyq ulttyń baýyrǵa da. Bul Joldaý bastap bizdi bıikterge, Unap tur ulaǵaty súıikti elge. Halyqtyń aqyl, bilim, parasaty, Turǵandaı tynyshtyq bop uıyp tórde. Bul Joldaý oqyǵanda janǵa jaqyn, Qaqqandaı qııa-shyńǵa án qanatyn. Astana ertegideı alyp qala, Elimniń erligine tańdanatyn. “Nur Otan” el-jurtyma baǵyt berer, Bul Joldaý oqyǵanda shabyt berer. On jyldyq josparyma – iske sáttik, Dúnıe Qazaq elin tanyp, kórer! Elbasy atyn búgin álem bilgen, Tappadym ór Tulǵany teńer kimmen? Qýanyp elmen birge, Shyn júrekten Joldadym oılarymdy óleń-jyrmen! Toqtarbaı QADAMBAIULY, Parlament Májilisiniń depýtaty. ESKI SÚRLEÝDEN KETIP, JAŃA JOL TABÝYMYZ KEREK Elbasy Nursultan Nazar­baev­tyń “Jańa onjyldyq–jańa eko­no­mıkalyq órleý – Qazaqstannyń jańa múmkindikteri” atty bıylǵy Joldaýyn tapjylmaı otyryp tyńdadyq, odan keıin baspasózden taǵy da muqııat oqyp aldyq. Bizdiń ál-aýqatymyz, turmysymyz qazir jaman emes. Egin de, mal da bar. Biraq eski súrleýmen júre bersek, ol jol bizdi alysqa aparmaıdy. Aýyl sharýashylyǵynyń taby­sy óspeı aýyl qaıdan kórkeısin?.. Endi aýyl sharýashylyǵyna moıny ozyq elderdegi jańa, ónimdi tehno­lo­gııalardy ákelmeı, olardan úı­ren­beı bizdiń eńbegimizdiń qaıtary­my bolmaıdy. Nursultan Ábishuly muny buryn da aıtyp, eskertip keledi. Men sharýashylyq basshysy retinde muny óz tájirıbemnen de kórip otyrmyn. Sondyqtan sońǵy jyldary astyq derjava­lary­nyń biri Kanada eline baryp, olardyń ónimdi tehnologııasyn kózben kórip qaıttym. Jańa teh­no­logııaǵa laıyq tehnıka da jańarýy kerek. Bizdiń sharýashylyqta bul máseleni de oılastyrdyq. Qazir jaýapkershiligi shekteýli seriktestik­tiń isti tehnıka parki túgeldeı ja­ńar­­dy, olarda Germanııadan, Kana­da­dan ákelingen tehnıkalar tur. Olar­­dyń árqaısysy burynǵy úsh “Enıseı” kombaınyn almastyra alady. Sonymen qatar, ylǵal jabý teh­nologııasyn úırendik. Keıingi jyl­dary Qostanaı óńirinde qur­ǵaq­shylyq bolǵanmen de jańa teh­nologııanyń arqasynda kózdegen tabysqa qol jetkizdik. Elbasy Nursultan Nazarbaev bıylǵy Joldaýynda ishki rynok­taǵy azyq-túliktiń 80 paıyzy eli­mizde óndirilýi qajettigin maqsat etip qoıdy. Eger talpynsaq bul qol jetpeıtin sharýa ma? Bizde jer de, dán de, mal da bar. Tek sony uqsatý qajet. Bizdiń sharýashylyq tek astyq ósirýmen aınalysyp kelgen edi. Endi, qara mal ósirýdi qolǵa alýdamyz. Et baǵytyndaǵy mal basyn belgili deńgeıge deıin kóbeıtken soń, aýylda et buqtyrý fabrıkasyn ashý oıymyzda bar. Sonda dúkenderimizdiń sórelerinde Reseıden nemese basqa elderden shyq­qan buqtyrylǵan et konser­vi­leri búgingideı syqap turmaıdy. Onyń ornyn ózimiz shyǵarǵan ónimder almastyratyn bolady. Astyq jóninde de osyny aıtar edim. Sapaly dándi shetelge astyq qalpymen emes, undaı jibersek utarymyz anyq. Oblysta jańa tehnıkamen jabdyqtalǵan qýatty dıirmenderdiń qatary kóbeıip keledi. Osy jumystardyń barlyǵy da ónimmen birge adamdarǵa jumys ta beredi. Al jumys isteıtinderdiń qatary kóbeıse ónim de, tabys ta molaıady. Saıran BUQANOV, “Karken” JShS dırektory,  Qazaqstannyń Eńbek Eri. Qostanaı oblysy, Meńdiǵara aýdany. SALIQALY ISTER SABAQTASTYǴY Memleket basshysy N.Nazar­baev­tyń Qazaqstan halqyna bıyl­ǵy Joldaýynyń ereksheligi eli­miz­diń aldaǵy onjyldyqqa arnalǵan áleýmettik-ekonomıkalyq damýy­nyń basymdyqtary saralap kór­setilýinde der edik. Barlyq máse­leler men mindetter 2020 jyldar enshisindegi asqaraly maqsattarmen baılanystyrylyp otyr. Bizdiń Prezıdentimiz árqashan aldaǵyny anyq boljaı biletin­di­gimen tánti qaldyrady. Sondyqtan da el aldyna naqty, mindetti túrde oryndalatyn máselelerdi qoıa biledi. Nursultan Ábishuly búgingi damýymyzdyń myqty, sonymen bir mezette, osal tustaryn atap kór­se­tip, bizdiń bárimizdiń alǵa jyl­jýy­myzdyń baǵyttaryn aıqyndap berdi. Agroónerkásip keshenindegi, ǵylymdaǵy, áleýmettik qorǵaý, bilim men medısına salasyndaǵy qaryshty qadamdar, kásipkerlikti qoldaý men aımaqtardyń damýyna qatysty memlekettik josparly sharalar bizdiń bolashaqqa degen senimimizdi qalyptastyrady. Joldaýdyń ıdeologııalyq qýa­ty 2020 jyldarǵa arnalǵan qazaq­standyq qarqyndy qurylysty qam­tıtyn jáne bizdiń únemi súıe­ni­shimizge aınalýǵa tıisti ulttyq strategııamyzdy biriktiretin 4 qaǵıdattan ózek almaq. Munyń temirqazyq mazmuny barsha qazaq­stan­dyqtar úshin Otanymyzdyń asqaq bedeli men múddesi maqtanysh sezimine bóleıtin qundylyq ekenin jáne barshamyzdyń qoǵamnyń tu­raq­tylyǵy men jarqyn qadam­da­ry­na jaýapty ekendigimizdi bildiredi. Meniń jeke basym úshin Pre­zı­dentimizdiń elimizdi ındýstrııa­landyrýdyń jańa tabystary árbir qazaqstandyqtyń, ol kásiporyn basshysy nemese qarapaıym sharýa ekendigine qaramastan, ortaq kúsh-jigeriniń arqasynda júzege asa­tyndyǵy jónindegi sózderi aı­ryq­sha mańyzdy dep bilemin. О́ıtkeni, bul – bizdiń táýelsiz elimizdiń bo­lashaǵyna qatysty másele. Shyn­dyǵynda, árqaısymyz óz orny­myzda erik-jiger tanytsaq qana ortaq tabys qamtamasyz etiledi. Memleket basshysy bizdiń al­dy­myzǵa – partııa aktıviniń aldyna búkil qoǵamdy, partııanyń barlyq múshelerin aldaǵy onjyl­dyqtyń mindetterin túsindirýge jáne oryndaýǵa baǵyttalǵan naqty tapsyrma berýmen qatar, bul isti shynaıy túrde basqarýdy jáne óz baǵdarlamasy etip alýdy júktedi. Prezıdent tapsyrmasy abyroımen oryndalatyndyǵyna senimdimin. Ǵalym ShOIKIN, “Nur Otan” HDP Aqmola oblystyq fılıaly tóraǵasynyń birinshi orynbasary. Aqmola oblysy. SATYP ALÝShY EMES, SATÝShYǴA AINALÝ ÚRDISTERI Eldiń bolashaǵynyń baǵytyn aıqyndaıtyn Elbasynyń jol­daý­laryn halqymyz jyl saıyn asyǵa kútedi. On saýsaq birdeı emes. Qazaqstannyń qýatty, tabysty memleketke aınalý jolynda Úki­metke qandaı tapsyrmalar berilip, mindetter júktedi sony oı eleginen ótkizip tarazylaý emes, ár Jol­daýdan tek materıaldyq ıgilikter kútip úırenip qalǵan jurt ta bar. Sondyqtan Joldaýdyń máni men maqsatyn halyqqa uǵyndyrýda, on­daǵy berilgen tapsyrmalar negi­zinde jumys jasaýda eń aldymen memlekettik qyzmetkerler jaýap­kershilikte bolmaq. Oblys ákimdiginde ótken aktıvti oblys ákiminiń birinshi orynbasary Berik Ospanov júrgizip otyrdy. Jınalystyń kún tártibimen tanystyrǵannan keıin oblys ákimi Asqar Myrzahmetovke sóz berdi. “Elbasynyń ár jylǵy jol­daý­lary “Qazaqstan-2030” Strategııa­syn kezeń-kezeńmen júzege asyrýda memleket aldyndaǵy mindetterdi anyqtap, olardy oryndaýdaǵy naq­tylyǵymen, ómirsheńdigimen erek­she­lenip, halyqtyń turmys-tirshili­gin jaqsartýǵa baǵyttalyp, kópshi­liktiń kóńilinen shyǵyp, qoldaýyna ıe bolýmen keledi”, — dep bastady oblys basshysy baıandamasyn. Asqar Isabekuly Elbasynyń 2020 jylǵa deıingi Damý strategııa­synyń bes baǵytyn atap aıtyp, árqaısysy boıynsha oblysta atqarylyp jatqan jumystardy ta­razylady. Memleket basshysynyń tapsyrmasy boıynsha Úkimet úde­meli ındýstrııalyq-ınnovasııalyq damýdyń memlekettik baǵdarlama­syn jáne eldi ındýstrııalandyrý kartasyn jasady. Oblysta respýb­lıkalyq jáne aımaqtyq ındýs­trııa­landyrý kartasy aýmaǵynda bıylǵy jyly 8 joba júzege asy­ry­latyn bolady. Osy jobalardy júzege asyrý barysynda jalpy quny 55,3 mlrd.teńgeni quraıtyn qurylys jumystary júrgiziledi. Osy qurylys jumystaryna búgingi kúni 1975 adam tartylyp otyr. Ká­siporyndar tolyq iske qosylǵanda 2 200 jýyq adam turaqty jańa ju­mys ornymen qamtamasyz etiletin bolady. Atalǵan ınvestısııalyq joba­lar­dyń ýaqtyly iske qosylýyn ba­qylaý maqsatynda oblys ákimi basshylyǵymen shtab qurylyp, týyndaǵan ózekti máseleler tizbegi jasalyp, olardy sheshý boıynsha naqty tapsyrma berildi. Indýstrııa jáne kásipkerlik basqarmasy aýdan jáne qala ákimderimen bir­lesip, oblys kóleminde aldaǵy bes jylda iske asyrylatyn ınvestı­sııalyq jobalardy naqtylaýy tıis. Sonymen qatar, 2010-2014 jyl­darǵa arnalǵan údemeli ındýs­trııa­lyq-ınnovasııalyq damýdyń mem­le­ket­tik baǵdarlamasy sheńberinde iske asyrylatyn ınvestısııalyq jo­balarmen tııanaqty jumys jasaýymyz qajet. Ol úshin ár  joba boıynsha naqty is-sharalar qabyldanatyn bolady, – dep sózin sabaqtady ákim. Oblysta “Ońtústik” arnaýly ekonomıkalyq aımaǵy bar. Ataǵy dardaı bolǵanymen, aty bar da zaty joqtyń qasy. Oblys bas­shy­sy burynǵy baǵyttaǵy jumystardy kúsheıtýdi jalǵastyryp, jańa zań jobasyna tek toqyma salasyn ǵana emes, jalpy aýyl sharýashylyǵyn, shaǵyn jáne orta bıznesti damy­ta­tyndaı usynystar berýdi kózdeı­tindigin aıtty. Bul, árıne, arnaýly aımaqtyń jumysyn jandandyryp, ártaraptandyrýǵa qyzmet eter edi. Budan ári oblys basshysy ekono­mı­kanyń qozǵaýshy kúshi kásip­kerlikti ártaraptandyrý, biryńǵaı kedendik tarıfter, agroónerkásip keshenin damytý jónindegi ju­mystardy jiliktep berdi. Baılyqtyń úlkeni – halyq. Hal­yqtyń densaýlyǵy, bilim alýy jáne áleýmettik qoldaýlarǵa ıe bolýy Elbasy joldaýlarynyń negizgi tini. Oblysta 2009 jyldyń sońynda mektepke deıingi uıym­dardyń sany 244-ke jetip, oǵan 28589 bala qamtyldy. 2010 jyly 7 myńdaı orynǵa 118 mektepke deıingi bilim uıymdaryn iske qosý josparlanyp, balabaqshamen qamtý 18% quramaq. – Bul kórsetkish bizdi qanaǵat­tan­dyr­maıtyny belgili, – dedi oblys basshysy. Sebebi, áli 35416 bala balabaqsha kezeginde tur. Oń­tús­tiktegi bala týylymy kórset­kishteriniń jyldan-jylǵa ósýi bul baǵyttaǵy jumystarymyzdy shı­rata túsýdi talap etedi. Oblystyq bilim basqarmasy, aýdan, qala ákimderimen birlesip, tııanaqty zertteý jumystaryn júrgizip, oblystyq “Balapan” baǵdarlamasyn 1 aı kóleminde oblys ákimdiginiń bekitýine usyný jóninde tıisti tapsyrma aldy. Soǵan sáıkes qala, aýdan ákimderi ózderiniń aımaqtyq baǵdarlamasyn jasap, iske asyrýlary qajet. Baıandamasynda Joldaýǵa baı­lanysty tapsyrmalardy sala-sa­lasymen jiliktegen oblys bas­shysy “Prezıdentimiz aıtqandaı, bizdiń eń basty qundylyǵymyz – Táýel­siz Qazaqstan! Osy sózderdiń ma­ǵynasyna jete túsingen árbir qazaqstandyq azamat qoǵamdaǵy óz or­nyn, jaýapkershiligin tolyq­qan­dy sezine bilýi, soǵan sáıkes jalpy halyq, memleket múddesi úshin eńbek etýi tıis dep esepteımiz”, – dep sózin aıaqtady. Baıandamadan keıin sóz alǵan “Nur Otan” HDP OQO fılıaly tór­aǵasynyń birinshi orynbasary Ulasbek Sádibekov oblystaǵy saıası partııalar men qoǵamdyq birles­tikterdiń el múddesi jolynda bir týdyń astynda tabylýy qajettigi jóninde oı tolǵady. Bul rette par­tııanyń oblystaǵy fılıaly jandy jumys jasap otyrǵandyǵyn, bar­lyq saladaǵy belsendiligin atap aıtty. Ońtústik Qazaqstan obly­synyń prokýrory Berik Qultaev quqyq qorǵaý organdarynyń jumy­syn úılestirýdegi oılaryn alqaǵa saldy. Qylmystyq is júrgizý qyzmetin jetildirýdegi jaqsy nátıje bergen qurylymdardyń jumysyn tizdi. Alaıda, kásipkerler óz quqyǵyn zańmen qorǵaý jaǵyna áli de senbestikpen qaraıtyndaı. “Senim telefonyna” eki ret qana qońyraý shalynǵandyǵy sonyń aıǵaǵy deıdi ol. Qala, aýdan prokýrorlaryn konkýrstyq negizde qoıýdy jaqtaǵan ob­lys­ bas prokýrory basqa qurylymdar de­mo­kra­tııalyq úrdis pen qyzmetke adaldyqty bizden úırensin, biz son­daı qyzmetke laıyq bolamyz degen syńaıda sózin aıaqtady. Oblystyq aýrýha­nanyń bas dárigeri, oblystyq máslıhattyń depýtaty Muqan Egiz­baev úshinshi márte depýtat man­datyna ıe bolǵan halyq qalaýlysy. “Men 1998 jyly ob­lys­tyq más­lıhattyń depýtat­ty­ǵyna saılaǵan­da oblystyń bıýdjeti 24 mlrd. teńge ǵana edi, qazir 200 mlrd. teń­geden asty. Bul – memleketimizdiń áleýetiniń qansha­lyqty artqan­dyǵynyń kórinisi” – dedi ol. Aýrý­hanalar salynyp ja­tyr, eskileri kúrdeli jóndeýden ótýde. Jańa klınıkalar paıda­laný­ǵa berilýde. Al, jańa kardı­o­or­talyqtyń zama­naýı jańa qon­dyr­ǵylary kórshi memleketterdiń eshbirinde joq. Den­saýlyq sala­syna aıryqsha nazar aýdarǵany úshin dárigerler qaýymy atynan Elbasyǵa erekshe rahmet aıtamyz dep sózin qorytyndylady. M.Áýezov atyndaǵy OQMÝ-diń prorektory A.Protapov ýnıver­sıtettiń shákirtterge bilim berýde halyqaralyq standartqa áldeqashan kóshkenin aıtty. Belgili bir salalar boıynsha magıstrlar OQMÝ jáne Germanııadaǵy Gambýrg ýnversı­tetiniń dıplomyn qosa alady. О́ndiris oryndarymen kelisim-shart túzilgen, bul kadr daıyndaýda úl­ken kómek. Ýnıversıtettegi tehno­park kásipkerlerdiń jumysyn óris­tetýge jáne jańa bıznes kózin ta­býyna járdemdesedi. Aýyl sharýa­shylyǵy salasynda da aldyndaǵy aryq-turyq malǵa máz bolmaı, jańa tehnologııalar arqyly asyldandyrýdyń jónin aıtty. Jastar atynan shyqqan stýdent Gúlnur Aqanovanyń usynysy kóptiń kókeıinde júrgen oı edi. Oblys jastarynyń qumyrsqa ıleýindeı bolǵan “Jastar saraıy” kezinde opera jáne balet teatryna aınalyp ketken bolatyn. Jınalysty qorytyndylaǵan oblys basshysy jastardy mazalap júrgen jáıtti sheshýdi óziniń de kópten oılastyryp júrgendigin aıtty. Bıyl oblysta talantty jastardy qoldaý maqsatynda “Jastar ortalyǵy” ashylady. Ýáde berse údesinen shyǵatyn ákimniń óz jaǵdaılaryn oılap júr­genine jastar jaǵy qýanysyp qaldy. Elbasy Qazaqstannyń bo­lashaǵy bilimdi urpaqtyń qolynda ekendigin jıi aıtady. Jastardy qoldaý – eldiń bolashaǵyn kemel etý. Jol­daýdaǵy tapsyrmalar men mindet­terdi oryndaý barysy osyn­daı jaqsylyqtardan bastaý alyp jatyr. Baqtııar TAIJAN, Shymkent. ShIKIZATTAN — EKSPORTTYQ ÁLEÝETI BAR О́NIMGE Elbasynyń “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Qazaqstan halqyna Joldaýyna arnalǵan oblys aktıvi bolyp ótti. Ony oblys ákimi Qanat Bozymbaev júrgizdi. Alǵashqy sóz kezegin ózi aldy. Elimiz, onyń ishinde Jambyl oblysy Prezıdent qoıǵan min­det­terdi oryndaýda únemi belsendilik tanytyp keledi. Sonyń arqasynda daǵdarystan damý jolyna túsken óńir kóptegen tabystarǵa qol jet­kizip otyr. Bul eń aldymen mem­le­ke­timizdegi saıası turaqtylyqty qalyń eldiń qoldaýynyń arqasy ekeni belgili. Oblys ákiminiń aıtýynsha, óńir­degi “Jol kartasy” baǵdar­la­masy aıasynda 276 ınvestısııalyq jobalar iske asyryldy, 13 myń­nan astam jumys orny ashylyp, 12 myń 746 adam jumysqa ornalasty. Bul jumystar bıyl da jalǵasady. Bıyl “Jol kartasy” baǵdarlamasy aıasynda 207 ınves­tısııalyq joba­ny iske asyrýǵa 8 mlrd. 598,1 mln. teńge bólinedi. In­vestısııalyq ba­ǵyttar boıyn­sha 8 myń 489 jumys ornyn ashý josparlanyp otyr. – Elbasy bıylǵy Joldaý­yn­da aldaǵy 10 jyldaǵy ekonomı­ka­lyq damýdyń maqsatyn jáne osy ba­ǵyt­ta atqaratyn isimizdi aı­qyn­dap berdi. Onjyldyqta elimizdiń damýy ulttyq ekonomıkanyń bá­sekege qabiletti­ligin arttyrý ese­binen qamtamasyz etiletin bolady. Iаǵnı, Prezıdent eńbek ónimdiligin art­ty­ryp, ınnovasııalardy en­gizýdi min­dettep otyr, – dedi Qanat Bo­zymbaev. Oblysta ındýstrııalyq-ın­no­va­­sııalyq damý baǵdarlamasy aıa­synda quny 50 mln. AQSh dol­larynan asatyn oblystyń 7 ın­vestısııalyq jobasy respýblı­ka­lyq ındýs­trııa­landyrý kartasyna engizýge  usy­nyl­dy. Olardyń ara­synda “Taraz metallýrgııalyq zaýy­ty”, “Myń­aral Tas kompa­nı”, “EvroHım – ýdobrenıe”, “TENIR-LOGISTIK”, “Hantaý sement zaýyty”,  “Kaz­fosfat”-2 sııaqty jobalar bar. Al aımaqtyq kartaǵa engizý úshin 12 ınves­tısııalyq joba ázir bolypty. Oblysta jalpy quny 807 mlrd. teńgege 19 ınvestısııalyq joba­dan paket qurylǵan. Elbasy Joldaýynda Úkimetke bıylǵy jyldan bastap óńirlerde kásipkerlikti damytý jóninde bir­yńǵaı bıýdjettik baǵdarlama en­giziletini aıtylǵan. Ony “Bız­nes­tiń jol kartasy-2020” dep ataýdy usynǵany da belgili. Osy oraıda ótken jyly oblystaǵy shaǵyn jáne orta kásipkerliktiń belsendi sýbek­tileriniń sany 5,7 paıyzǵa, olarda qyz­met jasaıtyn adam sany 2,3 paıyzǵa ósip, 110 mlrd. teńgeniń óni­mi óndirilgenin de aıta ketken jón. Oblys ákiminiń aıtýynsha, agro­ónerkásip salasyna qoldaý kórsetý úshin naqty baǵdarla­ma­lar­dy qolǵa alý, is-sharalar qa­byl­daý, ol úshin sheteldik jáne jeke ın­vestısııalar tartý qajet. О́ńirdi da­mytý úshin reformalar jasaý, onyń negizgi tiregi hımııa óner­kásibi, metall ónerkásibi ke­sheni, agrarlyq jáne qurylys ma­te­rıaldary ındýstrııasy da na­zar­dan tys qalmaǵany jón. Ásirese, aldaǵy ýaqytta shıkizatqa emes, túr­li ónimder óndirýmen,  onyń eksporttyq áleýetin arttyrýǵa qol jetkizýmen, sóıtip joǵary sapaly ónimder shyǵaratyn kásip­oryndar qurýmen aınalysqan tıimdi bolmaq. – Jambyldyq bıznesmenderge bıdaı, mal, et jáne shıki sút emes, odan jasalatyn san alýan ónim­der shyǵarý arqyly paıda ta­býǵa kóshý kerek. Munyń bári Joldaýda aı­tylǵan. Endeshe, on­daǵy mindet­terdi oryndaý sizder men bizderdiń mindetimiz. Jol­daý­daǵy negizgi má­seleler obly­sy­myzda keń kólemde nasıhattalyp, sonymen birge, iske asyrylýy qajet. Biz oblystyń eko­nomı­kasyn órkendetý úshin aıanbaı qyzmet etýge tıispiz. Bizge nátıje kerek. Ol halyqqa kúsh-qýat berýi kerek, – dedi oblys ákimi. Aımaqtyń kásipkerlerimen bıznes-forým ótkizip, olarǵa belgili bir tıimdi sharttardy usyný, jaǵdaı jasaý jáne eń bastysy – bıznestiń damýyna kedergi jasamaý, qaıta kómek qolyn sozý da aı­tyldy. Sonymen birge, oblysta aldaǵy ýaqytta qýatty kásipkerlik klaster qurý kózdelse, buǵan oblys ákimdigi terezesi teń áriptes retinde kómek qolyn sozyp,  memlekettik-jeke áriptestiktiń mehanızmin iske asyrmaqshy. Aktıvte minbege shyqqan arda­ger Álmuqan Isaqtyń sózi men pikiri kópshiliktiń kókeıi­nen shyqty. Ol ótken jylǵy Joldaý men bıylǵy Joldaýdyń ózara sabaqtastyǵyn, bir-biriniń zańdy jalǵasy ekeni aıta kelip, jer kólemi jóninen álemde 9-oryndy alatyn, tabıǵı baılyǵy óte mol, biraq halqynyń sany nebary 16 mıllıonnyń tóńire­ginde ǵana bolatyn eldiń damýy úshin onyń táýelsizdigine syzat túsirmeý basty paryz ekenin eske saldy. “Nur Otan” HDP oblystyq fılıaly tóraǵasynyń birinshi orynbasary Masat Berik Jol­daý­dyń el taǵdyryndaǵy alar ornyn ashyp kórsetý týraly oı-pikirlerin ortaǵa saldy. Oblys aktıvinde, sondaı-aq, qalalyq, sol sekildi aýyldyq jer­lerdegi balalardy mektep jasyna deıingi tárbıe jáne oqytýmen qamtamasyz etý, “Balapan” arnaıy baǵdarlamasyn ázirlep, iske asy­rý­ǵa kirisý, jastarǵa qamqorlyq ja­saý, soǵys ardagerlerine járdem­desý, sondaı-aq densaýlyq saqtaý, salamatty ómir salty men buqa­ralyq sportty damytý úshin ar­naıy is-sharalardy júzege asyrý jaıy da umyt qalǵan joq. Kósemáli SÁTTIBAIULY, Jambyl oblysy. Joldaý joldaryn jurtshylyqqa jetkizý BAǴYT AIQYN, BASTAMA BAIаNDY Keshe Aqtóbe qalasyndaǵy munaı qondyrǵylary zaýytynda “Nur Otan” HDP-nyń Elbasy Nur­sultan Nazarbaevtyń  “Jańa onjyldyq – jańa ekonomıkalyq ór­leý – Qazaqstannyń jańa múm­kin­­dikteri” atty Qazaqstan hal­qy­na Jol­daýyn qoldaý men keń aý­qymda na­sıhattaýǵa arnalǵan forý­my ót­kizildi. Forýmǵa qatysýshylar arasyn­da óndiristik kásiporyndar ju­mys­­shy­lary, densaýlyq saqtaý jáne bilim berý salalarynyń qyz­metkerleri, zııaly qaýym, barlyq deńgeıdegi más­lıhat depýtattary, úki­mettik emes uıymdar, “Jas Otan” jastar qanatynyń ókilderi, stý­dentter, soǵys jáne eńbek ardagerleri bol­dy. Urandar men transparanttar kótergen aksııaǵa qatysýshylar “Nur Otan”HDP Tóraǵasynyń birinshi orynbasary Nurlan Nyǵ­matýlın men oblys ákimi Eleýsin Saǵyndyqov bas­ta­ǵan qonaqtardy saltanatty jaǵ­daı­da qar­sy aldy. Aksııada sóz alǵan Nur­lan Nyǵ­matýlın Elba­sy­nyń Qa­zaqstan halqyna bıylǵy Jol­daý­yn tarıhı mańyzy zor qujat dep ba­ǵalady. Bul Joldaý­dyń budan bu­rynǵy jol­daýlardan erek­sheligine toq­taldy. Buǵan deıingi joldaýlar  bir jyldyń aıasynda atqarylar sharýalardy qarastyryp kelse, endi taıaýdaǵy on jylǵa  baǵdar us­tal­ǵanyn, son­daı-aq olardy júzege asyrýdyń naqty joldaryn aıqyn­dap ber­ge­nin jetkizdi. Ol Elbasymyz Nursultan Na­zarbaev Aqtóbeni el ekonomı­ka­sy­nyń lokomotıvi dep baǵalaǵanyn taǵy bir eske túsire otyryp, óńir­de jalpy somasy  6 mlrd. dollar bo­la­tyn jıyrmadan astam ındýs­trııalyq-ınnovasııalyq jobanyń júzege asyrylyp jatqanynan habardar etti. Munyń ózi óńirdiń ekonomıkalyq múmkindiginiń, ta­bı­ǵı resýrstarynyń mol eken­di­gine dálel bolatynyn aıtty. “Nur­­sul­tan Ábishuly usynǵan naqty is-qı­myl jospary qazaq­standyqtardy túrli salada álemdik je­tistikterge saı etip qana qoı­maı, sol jetis­tikterdi ózimizdiń ja­saýymyzǵa jol ashady. Aldaǵy on jyldyń min­detteri “NurOtan” HDP-nyń jańa ári negizgi baǵ­darlamasy bolady”, dep túıindedi óz oıyn Nurlan Nyǵmatýlın. Oblystyq múgedekter qoǵamy­nyń tóraǵasy, Uly Otan soǵy­sy­nyń ardageri Fedor Chemodanov Elbasynyń sarabdal saıasatynyń, azamattyq ustanymynyń arqa­syn­da qol jetken jetistikterimizge rızashylyǵyn bildirdi. Onyń tapsyrmalaryn tap-tuınaqtaı etip oryndap kele jatqan oblys ákimi Eleýsin Saǵyndyqovtyń atyna da jyly lebiz aıtty. Aqtóbe kólik  kommýnıkasııa jáne jańa tehnologııalar kolled­ji­­niń dırektory Jeńisgúl Muham­betpaıyzova Prezıdenttiń stra­te­gııalyq baǵdarlamasynda jospar­lanǵan mańyzdy joba “Batys Eýropa-Batys Qytaı” kólik joly boıynsha jumys isteıtin maman­dardy daıarlaýǵa basa nazar aýdar­sa, Aqtóbe pedagogıkalyq ıns­tı­týty­nyń stýdenti Mánshúk Dúm­baeva jastar máselesine toqtaldy. Oblys ákimi  Eleýsin Saǵyn­dyqov Elbasy Joldaýynda baǵ­dar­­­lanǵan jumystardy júzege asyrý­dyń tolyq múmkindigi bar eke­nin, ekonomıkalyq damýdyń al­ǵy­shart­tary jasalǵanyn  baıan­dady. Ol son­daı-aq Joldaýdaǵy alǵa qoıyl­ǵan mindetterdi bul­jyt­paı oryndaý qajettigin, da­my­ǵan elý el emes, alǵashqy on­dyq­tarǵa baǵdar ustaý kerektigin áńgi­meledi. Elimizdiń daǵdarysty eń­sere otyryp, damýǵa baǵyt ustap otyrǵany Elbasynyń kóregen saıa­satynan bastaý alyp jatqanynan mysaldar keltirdi. Elbasy Jol­daýyn eldiń erteńine qyzmet ete­tin mańyzdy qujat dep baǵalady. Sonymen, aqtóbelikter keshe el Prezıdentiniń Joldaýdaǵy barlyq tapsyrmalaryn merziminen buryn, ıaǵnı alǵashqy 5 jylda oryndaý nıetteri bar ekenin málimdedi. Bul elimizdiń barlyq óńirleri úshin jaqsy úlgi bola alar edi. Sol kúni “Nur Otan”HDP Aq­tóbe oblystyq fılıalynyń ke­zekten tys 11 konferensııasy bo­lyp, onda fılıaldyń jańa tóraǵa­lyǵyna oblystyq máslı­hattyń hatshysy Balǵalı Ordabaev saılandy. Konferen­sııada fılıal saıası keńesiniń quramyna ózgeris­ter engizildi. Satybaldy SÁÝIRBAI, Aqtóbe. ARDAGERLER RIZAShYLYǴY Sonaý qıynshylyqqa toly 90-shy jyldardyń ekinshi jartysynda Elbasynyń bas­tamasymen elimizdi damytýdyń 2030 jylǵa deıingi aýqymdy baǵdarlamasy qabyldanǵan bo­la­tyn. Mine, endi sol baǵdar­lamanyń alǵashqy on jyl­dy­ǵyn qorytyndylap otyrǵan jaıymyz bar. Al sol alǵashqy on jyl­dyqtyń qorytyndysy kóńil marqaıtady. Ony basqa emes, áleýmettik máselelerdiń sheshi­mi­nen de aıqyn ańǵarýǵa bola­dy. Aıtalyq, osy jyldar ishin­de zeınetaqy mólsheri jyl saı­yn ósip otyrdy. Ásirese, soǵys ardagerleriniń zeınetaqysy eselep ósti. Bıylǵy jyly, ıaǵnı Uly Jeńistiń 65 jyldyǵy qarsańynda onyń mólsheri birshama arttyryldy. Endi, mine, osy ataýly merekege oraı memleket tarapynan ár soǵys ardagerine 65 myń teńge syıaqy beriletindigin bilip otyrmyz. Menińshe, burynǵy Odaqqa qarasty elderdiń ishinen eń aldymen osyndaı ıgi sheshim jasaǵan bizdiń memleket bolar, sirá. Mynadaı daǵdarysty jaǵ­daıda zeınetaqy men basqa da áleýmettik kómekterdiń, sony­men birge, jalaqynyń mólshe­rin arttyrmasa, kemitpeı kele jatqan da bizdiń el. Endeshe, keı jaǵdaılardaǵy usaq-túıek kemshilikterge bola renish bildirýdiń jóni joq dep bilemin. Sondyqtan endigi jerde bereke, birligimizdi saqtaı bileıik degim keledi. Sonda Elbasymyzdyń qazaqstandyqtarǵa arnaǵan bıylǵy Joldaýynda aıtylǵan­daı, keler onjyldyqqa, ıaǵnı 2020 jylǵa deıingi mejelep otyrǵan asýdyń da esh qıyn­dyq­syz alynatyndyǵyna óz basym kámil senemin. Daýylbaı YSMAǴULOV,  otstavkadaǵy polkovnık. Semeı. YNTYMAǴY ORNYQTY ELDIŃ BOLAShAǴY BEREKELI Árbir sanaly jandy el keleshegi tolǵandyrady. Sál sheginis jasasaq, osydan eki jyl buryn álemdik qarjy daǵdarysynyń qatty soqqysy jer júzindegi alpaýyt mem­leketterdi de, damýshy elderdi de abyrjytyp tastaǵan bolatyn. Qaı kezde de tyǵyryqtan jol izdeý, úmit artyp otyrǵan halyqty qıyn­dyqtan aman alyp shyǵý el basqaryp otyrǵan aza­matqa júkteletin aýyr da óte jaýapty mindet ekeni anyq. Qazaqstan Prezıdenti Nursultan Nazarbaev sol tusta Úkimetke naqty tapsyrmalar berip, Ulttyq qordan qomaqty qarjy bóldirip, elimizdiń bank jáne qarjy salasyn qorǵaý úshin darǵarysqa qarsy naqty is-sharalar júzege asyryldy. Elbasy Parlament aldyna qarjy daǵdarysyna qarsy is-sharalardy júzege asyrýǵa múmkindik týǵyzatyn kóptegen zań­dardy jedel qabyldaýdy júktedi. Depýtattyq korpýs osy mindetterdi der kezinde oryndap shyqty. О́tken jyly 2 qyrkúıekte Memleket basshysy Parlamenttiń úshinshi sessııasyn ashqanda eldiń jaǵdaıyna toqtala kelip, depý­tattardyń ekinshi sessııadaǵy jumysyn jemisti boldy dep baǵalady. “Parlamenttiń ekinshi sessııa kezindegi sapaly jumysy áleýmet­tik-ekonomıkalyq problemalardy jedel sheshý, jahandyq qarjy daǵdarysynyń keleńsiz sal­darlaryn eńserý úshin zańnamalyq negiz jasap berdi. О́tken kezeńde turaqtandyrý sharalaryna memleket 19 mıllıard dollar jumsady, bul el IJО́-siniń 14 paıyzyna sáıkes keledi. Búginniń ózinde biz qabyldanǵan sharalardyń oń nátıjelerin sezýdemiz. Birinshiden, áleýmettik salany nyǵaıtý múmkin boldy. Biz memlekettiń halqymyzdyń aldyndaǵy barlyq áleýmettik mindettemelerin saqtap qaldyq. Munda halyq­tyń óńirlik jumyspen qamtylý strategııasyn iske asyrý úlken ról atqardy, oǵan 191 mıllıard teńge bólindi”, – dedi qyrkúıekte Elbasy N.Nazarbaev. El bolyp, yntymaqty túrde atqarylǵan qyrýar isterdiń arqasynda álemdi teńseltip tastaǵan qarjy daǵdarysynyń aýyr soqqysy bizdiń elimizde kóp biline qoıǵan joq. Kóptegen qurylys salasynda jumystar toqtap qalǵany anyq. Alaıda, ol jóndi-jónsiz josparlanyp, tek qana mol qarjy jınaýdy kózdegen qury­lys kompanııalarynyń kartadan turǵyzǵan qalashyq sekildi boljamdarynyń bir kúnde kúırep, qulaǵanyna jurtshylyq kýá boldy. Sol kezde páterdiń árbir sharshy metri de qarqyndap ósip bara jatty. Ol kezdegi qate­lik­tiń biri aldaǵy eki-úsh jylda salynatyn úılerdiń qarajatyn halyqtan jınap alyp, sol qarjyǵa bir-eki jyl buryn aqshasyn tólep qoıǵandardyń úılerin salý tásili edi. Qurylysqa qatysy joq kompanııalar da úı salyp, eki arada mol paıda tabý jolyna túsip ketti. Osynyń bárin zańmen retteý qajet boldy. Soǵan oraı úleskerlikke qatysty zań­darǵa túzetýler engizildi. О́tken jylǵy shil­de­niń 14-i kúni Memleket basshysy “Qazaqstan Respýblıkasynyń keıbir zańnamalyq akti­leri­ne turǵyn úı qurylysyna úlestik qatysý máse­leleri boıynsha ózgerister men tolyqtyrýlar engizý týraly” Zańǵa qol qoıdy. Endigi jerde qu­rylys salasynda ondaı zańsyzdyqtarǵa jol berilmeıdi degen senimdemiz. Elbasynyń sózimen aıtqanda, daǵdarys kezeńi – durys sheshimder qabyldaý ýaqyty boldy. Bıylǵy Joldaýda Memleket basshysy N.Nazarbaev aza­mattardyń, Turǵyn úı qurylys jınaq banki­niń, memleket pen qurylys kompanııalarynyń teń quqyly áriptestigi qaǵıdatyn paıdalaný qajettigin aıtty. Jyl saıyn Memleket basshysy Qazaqstan halqyna arnaǵan Jol­daýyn aqpan aıynyń sońynda nemese naýryzdyń basynda jarııa etetin edi. Qazaqstan Prezıdenti Nursultan Nazarbaev osy joly Joldaýyn jyldyń basynda, qańtardyń 29-y kúni jarııa etti. Bul Joldaýdyń ereksheligi óte mol. Buǵan deıingi joldaýlarda eldiń bir jyl ishindegi jáne taıaý kezeńdegi atqaratyn negizgi is-sha­ralary, qabyldanatyn zańdary basa kórsetilip keldi. Al bul joly eldiń aldaǵy on jylǵa kózdegen mejeli mindet­teri aıqyndap berildi. Elbasy eki-úsh jylǵa ǵana boljam jasap, álemdik qarjy yqpalynyń sońynan erip júre berýge bolmaıtynyn meńzep otyrǵanyn túsindik. Bul Joldaýdaǵy mindetter 2020 jylǵa deıingi eldiń asýǵa tıisti belesterin kórsetse, onyń arǵy jaǵynda 2030 jylǵa deıingi onjyldyq kezeńniń turǵanyn anyq baıqaýǵa bolady. Aldaǵy on jyldyqqa ja­saǵan qaryshty qadamyn Qazaqstan Barys jyly bastap otyr. Jáne de el abyroıyn asyr­ǵan, qazaq halqynyń beıbitshilik súıgish, baýyr­mal, ónerli ekenin álemge tanytatyn EQYU-ǵa tóraǵalyq etý mártebeli mindetimen bastady. Bul da jaqsylyqtyń nyshany dep bilemiz. Halyqtyń jaǵdaıyn jaqsartý – birinshi kezektegi másele. Elbasy árbir sóılegen só­zin­de halyqtyń áleýmettik jaǵdaıyn jaqsartýǵa, ıaǵnı zeınetkerler men múgedekterge, kóp balaly analarǵa, qamqorlyqsyz qalǵan jan­darǵa qoldaý kórsetýge, turǵyndardyń den­saý­lyǵyn arttyrýǵa, jastardyń bilimin jetil­dirýge basa kóńil bólip, Úkimetke naqty min­detter júktep keledi. Osy maqsatty durys túsin­gen parlamentshiler de áleýmet úshin mańyzy zor zańdardy sapaly túrde jáne ýaqtyly qabyldaýǵa atsalysyp kele jatqanyn aıta ketken jón. Joldaýdyń árbir bóliginde halyqtyń áleýmettik jaǵdaıyn jaqsartýǵa yqpal etetin is-sharalardyń atqarylýy jóninde aıtyldy. Aıtalyq, eldiń ekonomıkasyn damytý – ha­lyq­tyń jaǵdaıyn jaqsartý degen sóz. Qazaq­stanǵa ınvestısııanyń kelýi, ındýstrııalyq-ınnovasııalyq baǵdarlamany iske asyrý, jańa jumys oryndaryn ashý, shaǵyn jáne orta kásipkerlikti damytý, aýyl sharýashylyǵyna jańa serpin berý – osynyń bári el turǵyn­darynyń jaǵdaıyn jaqsartýǵa alyp baratyn jol. Bıylǵy Joldaýda Elbasy halyqtyń den­saýlyǵyn saqtaý týraly aıta kelip, 2020 jylǵa qaraı ana men bala ólimin eki ese tómendetýge, jalpy ólimdi 30 paıyzǵa deıin azaıtýǵa qol jetkizýimiz kerek ekenin, ómir súrýdiń uzaq­tyǵyn órkenıetti elderdegi sekildi 72 jasqa deıin ulǵaıtý qajet ekenin aıtty. Bul myń­daǵan taǵdyrlardyń aman qalýy, baqytty ómir súrýi degendi bildirse kerek. Sońǵy jyldary úlken qalalarda balabaqsha máselesi ózekti bola tústi. Balabaqsha kórmeı, kezekteri jetpeı mektepke baryp jatqan balalar kóp. Depýtattarǵa balalaryn balabaq­shaǵa ornalastyrý úshin yqpal etýin ótinip habarlasatyn, aryz-shaǵym jazatyn ata-analar az emes. Mine, osy máseleni túbegeıli sheshýdiń jolyn Elbasy óz Joldaýynda aıtty. Birinshi ret elimizde “Balapan” arnaıy baǵdar­la­ma­sy qabyldanatyn boldy. Ony ázirlep, júzege asyrýdy Úkimet pen ákimderge tapsyrdy. At­qarýshy bılik organdaryna birlesip, ústimizdegi jyldyń birinshi jartysynda-aq “Balapan” baǵdar­la­masyn iske asyrýǵa kirisýdi júktedi. Joldaýda joǵary bilim sapasy ha­lyq­aralyq talaptarǵa jaýap berýi tıis ekeni, Qazaqstandaǵy bilim ordalarynyń álemniń jetekshi ýnıver­sı­tetteriniń reıtıngine enýge umty­lýlary kerektigi basa aıtyldy. О́ıtkeni, sapaly bilim bolmaı, bilikti maman daıar­lan­baıtyny anyq. Qazir bizdiń jastarymyz “Bola­shaq” memlekettik baǵdarlamasy arqyly shetelderde oqyp jatsa, aldaǵy ýaqytta kóp­tegen sheteldiń azamattary óz memleketteriniń arnaıy baǵdarlamalarymen bizdiń eldiń ýnı­versıtetterinde oqyp, álemdik standarttarǵa saı bilim alatynyna kámil senemin. Eń bastysy, qazaqstandyq bilim ordasynyń dıplomyn alǵan óz jastarymyz táýelsiz elimizdiń kóshin alǵa bastaıtyn alǵyr da abyroıly azamattar bola bilýi kerek. Al óskeleń urpaqtyń sheteldik áriptesterimen kezdeskende nemese ózge memleketke barǵanda aqyl-parasatymen, biliktiligimen ozyq turǵanyn kórý – eldik muratymyz. Osy Joldaýda Elbasy Úkimetke bilim men ǵy­lym salasyn júıeli túrde jan-jaqty je­til­diretin zań jobalaryn daıyndap, Parlamenttiń qaraýyna jedel usynýdy tapsyrdy. Qazaqstan Prezıdenti Nursultan Nazarbaev eldiń syrtqy saıasaty týraly toqtalǵanda: “Qazaqstannyń joǵary halyqaralyq bedeli bizdiń elimizge Eýropadaǵy qaýip­sizdik jáne yn­tymaqtastyq uıymynda tóraǵa bolýǵa múm­kin­dik berdi. Bul – biz úshin úlken abyroı”, – dep qazirgideı óte kúrdeli kezeńde bedeldi Uıym­da jetekshilik jasaý jas memleketimizdiń aldynda turǵan asa joǵary jaýapkershilik ekenin atap ótti. Qazaqstan EQYU-daǵy tóraǵalyǵynda “Senim. Dástúr. Ashyqtyq. Tózimdilik” uranyn tańdap aldy. Bul ustanymymyz EQYU-ǵa múshe memleketter tarapynan birden qoldaý tapty. Sonymen qatar, bıyl Elbasynyń bastamasy­men Astanada EQYU-nyń sammıtin ótkizý tý­raly másele de atalǵan Uıymǵa múshe elderdiń qoldaýyna ıe bolýda. 1999 jylǵy Ystambul sammıtinen keıin araǵa jyldar salyp, osy mańyzdy halyqaralyq basqosý elordamyzda ótse, ol da jas memleketimizdiń abyroıyn asyra túseri sózsiz. Jáne de álem nazaryn ózine aýdarǵan oqıǵa bolmaq. Joldaýda Elbasy saıası partııalar men úkimettik emes uıymdardy da eldik máselede bir­lese otyryp jumys atqarýǵa shaqyrdy. Atal­ǵan qyrýar isterdi júzege asyrýda “Nur Otan” partııasynyń belsendilik tanytýy kerek ekenin, osy partııa músheleriniń aldyna úlken min­detter júktelip otyrǵanyn da jetkizdi. “Esh­kim syrtta turmaýy kerek, óıtkeni, tek osylaı ǵana biz Qa­zaq­stannyń jańa ekono­mıkalyq órleýin qamtamasyz etemiz”, – dedi N.Nazarbaev. Halyqqa arnaǵan Joldaýdy tyńdaǵan árbir adam ózin tolǵandyryp júrgen máselelerge jaýap tapty, keleshekke úlken úmit artyp, memleket pen qoǵamǵa degen senimi nyǵaıa tústi dep oılaımyn. О́ıtkeni, búgin qandaı jetistikke jettik, aldaǵy on jylda qandaı bıik belesterdi baǵyndyramyz? Elbasy Joldaýynda osynyń bári tolyq qamtyldy. Qazirgi jetken jetistikterimiz keleshektegi alar asýlarymyz ben tolaǵaı tabystarymyzdyń taban tireıtin tuǵyry ekenine kóz jetkizdik. Yntymaǵy ornaǵan eldiń bolashaǵy da berekeli bolmaq! Baǵıla BAIMAǴAMBETOVA, Parlament Májilisiniń depýtaty.