Qazaqstan Respýblıkasynyń Bilim jáne ǵylym mınıstrliginiń Ulttyq ǵylymı-praktıkalyq dene tárbıesi ortalyǵynyń uıymdastyrýymen ótken básekede elimizdiń 9 joǵary oqý oryndarynan kelgen áıelder komandalary ózara tartysqa túsip, baqtary men baptaryn synady.
Qyzdar Ýnıversıtetiniń aıaq dop sheberleri jarystyń alǵashqy kúni ál-Farabı atyndaǵy Qazaq Ulttyq ýnıversıtetiniń quramasyn 4:3 esebin utyp kelesi kezeńge joldama aldy. Al, ekinshi kúni Pavlodar memlekettik ýnıversıtetin 3:2, E. Býketov atyndaǵy Qaraǵandy memlekettik ýnıversıtetin 5:2. M. Qozybaev atyndaǵy Soltústik Qazaqstan memlekettik ýnıversıtetin 2:1 esebimen oısyrata jeńip, alǵashqy aınalymǵa shyqty.
Jartylaı fınalda Pavlodar memlekettik pedagogıkalyq ýnıversıtetiniń komandasynan 4:3 nátıjesimen basym tústi. Al, fınalda QazUÝ sportshylaryn 2:1 esebimen jeńip, Ýnıversıada jeńimpazy atandy.
– Saıys jolynda Qyzdar Ýnıversıtetiniń komandasy ózara uıymshyldyq tanytyp, taktıkalyq jáne tehnıkalyq sheberlikterin tolyqtaı pash ete bildi. Sportshylarymyz shydamdylyq, jyldamdyq sııaqty qasıetteriniń arqasynda «júzden – júırik, myńnan – tulpar» shyǵyp, altynnan alqa taqty, – deıdi Dene shynyqtyrý jáne sport kafedrasynyń meńgerýshisi Álııa Eselbaeva.
Asa belsendi oıyn órnegin kórsetken Qazaq memlekettik qyzar pedagogıkalyq ýnıversıtetiniń «Dene shynyqtyrý jáne sport» mamandyǵynyń stýdentteri Álııa Sádýaqasova men Aısáýle Saıdýlla «Eń úzdik shabýylshy» atalymyna laıyq dep tanyldy.
Qysqy Ýnıversıada oıyndarynda top jarǵan komandalar men jekeleı qatysýshylar arnaıy kýbokpen jáne medalmen marapattaldy.
