Osy jaǵdaıdyń legimen keshe otandyq tanymal isker azamat Nurlan Smaǵulov saýda oıyn-saýyq otalyqtarynyń ıelerin Astana jáne Almaty Tótenshe jaǵdaılar departamentterimen memorandýmǵa qol qoıýǵa shaqyrdy.
Jáne osy bastamaǵa oraı, MEGA Alma-Ata saýda oıyn-saýyq ortalyǵynda josparly órt-taktıkalyq oqý-jattyǵý is-sharalary men órt qaýipsizdigi boıynsha brıfıng ótti.
Oqý-jattyǵý sharalarynyń ssenarııi tómendegideı boldy: shartty túrde kınoteatr aýmaǵynan «órt» shyqty. О́rt qaýipsizdik dabyl qaqqyshtary, sonymen qatar evakýasııany basqarý men habarlandyrý júıeleri iske qosylady. Kelýshilerge saýda oıyn-saýyq ortalyǵy ǵımaratynan 46 shyǵý esigi arqyly syrtqa shyǵýǵa arnaıy nusqaýdan ótken ákimshilik qyzmetkerleri, kúzetshiler men jalǵa alýshylar janushyra kómektesti.
Oǵan qosa MEGA Alma-Ata saýda oıyn-saýyq ortalyǵynyń órtke qarsy qyzmetiniń kúshimen shartty túrdegi órt kózin joıý jumystary jedel júrip jatty. Shynaıy órt kózi tirkelgendeı, órt aýdany qandaı ekenine qaramastan, 20-dan astam qalalyq órt sóndirý kólik qyzmeti, onyń ishinde 4 avtobaspaldaq bir mezette jetip keldi.
Osy arada MEGA saýda jelileri – 3 saýda oıyn-saýyq ortalyǵynan, ıaǵnı Almatyda MEGA Alma-Ata jáne MEGA Park, sondaı-aq Astanadaǵy MEGA Silk Way-den turady. Barlyq saýda oıyn-saýyq ortalyǵynyń ǵımarattary QR qurylys talaptary men erejelerine, sonymen qatar №439 "О́rt qaýipsizdigine baılanysty jalpy talaptarǵa» sáıkes jobalanǵan, ári solaı salynǵan.
«Biz saýda oıyn-saýyq ortalyqtaryn jylyna bir ret tekserý jetkiliksiz dep esepteımiz. Sondyqtan, Almaty jáne Astana qalalarynyń Tótenshe jaǵdaılar departamentimen bizdiń saýda oıyn-saýyq ortalyqtaryn jospardan tys rettik tekserý sharalary jóninde memorandýmǵa qol qoıǵymyz keledi. Kez kelgen ýaqytta kelip, teksere bersin. Oǵan qosa men barlyq saýda ortalyq ıelerin, Almaty men Astana qalalary men oblys ortalyǵy menedjerlerin joǵarydaǵy memorandýmǵa qosylýǵa shaqyramyn. Halyqtyń bizge degen senimi artyp, TJ departamenti zańdy túrdegi shekteýge qaramastan árqashan kelip, qalaǵan ýaqytynda tekserý sharalaryn uıymdastyra bersin. Erikti túrde osy memorandýmǵa qoıa otyryp, ózge de saýda oıyn-saýyq ortalyqtaryn bizge qosylýǵa shaqyramyz», – dedi ASTANA GROUP kompanııasynyń basshysy Nurlan Smaǵulov.
О́z kezeginde MEGA – órtke qarsy óziniń jeke bólimi jáne tórt órt sóndirý mashınasy bar Qazaqstan aýmaǵyndaǵy jalǵyz saýda oıyn-saýyq ortalyǵy ekeni málim boldy. MEGA jelisinde órt qaýipsizdik boıynsha 70 qyzmetker jumys isteıdi. Olar 4 aýysym saıyn kezekshilikke túsip otyrady. Saýda oıyn-saýyq ortalyq aýmaǵynda órt sóndirý úshin arnaıy sý qoımalar men órt sóndirý gıdranttary bar. Mysaly, MEGA Alma-Ata rezervýar kólemi 1 800 m3 quraıdy. Sý deńgeıi kúndelikti baqylaýda. Ǵımarattarda órtke sý sebetin tútik qabyr, oqpan jáne untaqty órt sóndirgishimen jabdyqtalǵan órt sóndirý krandary bar. Saýda oıyn-saýyq ortalyqtyń ár býtıgi untaqty órt sóndirgishpen jabdyqtalǵan.
MEGA jelisiniń ár saýda oıyn-saýyq ortalyǵy «Shyǵý» jáne «Apattyq shyǵý» atty jaryq tablosymen, baǵyttalǵan belgilerimen tabýǵa bolatyn birneshe negizgi shyǵý esigimen, qosymsha shyǵý esikterimen jabdyqtalǵan. Joǵary qabattardan adamdardy evakýasııalaý úshin órt satylary qarastyrylǵan. Olardyń kólemi órt qaýipsizdigi talaptaryna sáıkes keledi. MEGA Alma-Ata saýda oıyn-saýyq ortalyǵynda – 46 evakýasııalyq shyǵý esigi, MEGA Park-te – 11 evakýasııalyq shyǵý esigi, MEGA Silk Way-de – 20 evakýasııalyq shyǵý esigi, oǵan qosa ǵımarattyń ózge de bólikterinde ornalasqan shyǵý esikteri (mysaly, kınoteatr nemese sýpermarket) bar. Evakýasııalyq shyǵý esikteri «antıpanıka», ıaǵnı qaýipsiz evakýasııany qamtamasyz etetin qulyptarmen jabdyqtalǵan. Tótenshe jaǵdaı oryn alǵan kezde barlyq esikter avtomatty túrde ashylady.
Saýda oıyn-saýyq ortalyǵynda jıi uıymdastyrylatyn órtke qarsy oqý-jattyǵý is-sharalary kórsetip otyrǵandaı, kelýshilerdi evakýasııalaý ýaqyty shamamen 10 mınýtty qurady.
Aınash ESALI,
«Egemen Qazaqstan»
ALMATY
