О́zenniń Semıpalatınka dep atalatyn aǵysynyń tusyndaǵy Polkovnıchıı araly men Shyǵys kenti, Mırnyı aýyly turǵyndaryn qutqarý jumystary qazirde shuǵyl túrde júrip jatyr. Qala ákimi Ermak Sálimov, ákim orynbasary Nıkolaı Ýshakovtar QR Ishki ister mınıstrliginiń vıse-mınıstri Iýrıı Vıktorovıch Ilın, ShQO Tótenshe jaǵdaılar departamentiniń ókilderi, Ertis basseıni ınspeksııasynyń mamandarymen birge oqıǵa bolǵan jerdi tikushaqpen dereý sholyp ótti. Olardyń sheshiminshe Ertistiń sý deńgeıin tómendetý úshin muzdy jarý tásilderi qoldanylmaq.
Al sý basyp ketken jerlerge arnaıy baqylaý beketteri ornatyldy. Polkovnıchıı aralynyń turǵyndary qonaq úılerge ornalastyrylýda. Tótenshe jaǵdaı qyzmetinen 20 adam túrli bógetter qoıyp, sý aǵysyn buryp, turǵyndardy kóshirýde. Turǵyndarǵa qundy qujattary men baǵaly zattaryna abaı bolýdy eskertip jatyr.
«Ázirshe oqıǵany baqylaýda ustap otyrmyz, bir jaǵdaılar bolyp jatsa, halyqqa kómek kórsetýge, olardy qutqarýǵa Tótenshe jaǵdaı basqarmasynyń mamandary saqadaı saı otyr», dedi Semeı qalasy ákimdiginiń ishki saıasat bóliminiń mamany Meıirjan Amangeldi.
Raýshan Nuǵmanbekova,
sýretter avtordiki.
Semeı
