2018 jyldyń 3-qańtary kúni úkimettik emes uıymdarǵa arnalǵan granttardy taǵaıyndaý josparyna sáıkes, granttar 11 áleýmettik mańyzy bar baǵytta 87 taqyryp boıynsha jarııalanǵan bolatyn. 202 úkimettik emes uıymnan 352 ótinish tústi, qazir olar – baıqaý komıssııasynyń qaraýynda. 87 taqyryptyń ishinen ótinim túspegen nemese ótinimder talapqa saı bolmaǵan 23 taqyryp boıynsha qaıta baıqaý jarııalanyp otyr. Baıqaý týraly tolyq aqparatty Ortalyqtyń resmı saıtynan http://cisc.kz/media/news/1516/ siltemesi arqyly taba alasyzdar.
Esterińizge sala keteıik, QR Din isteri jáne azamattyq qoǵam mınıstrliginiń qoldaýymen azamattyq bastamalardy qoldaý, azamattyq qoǵam ınstıtýttarynyń áleýetin kóterý, áleýmettik mańyzdy máselelerdi sheshý maqsatynda 2016 jyly «Azamattyq bastamalardy qoldaý ortalyǵy» KEAQ qurylǵan bolatyn. Ortalyq operator retinde úkimettik emes uıymdarǵa grant bólip, onyń sapaly júzege asýyn qadaǵalaıdy.
Barlyq suraqtar boıynsha 8 7172 678 201, 8 777 880 2521 telefony, info@cisc.kz elektrondy poshtasy arqyly habarlasýǵa bolady. Resmı saıt: www.cisc.kz.
