Elbasy óz sózinde «Bizdiń maqsatymyz – ózgermeli jańa jaǵdaılarda tek tiri qalý emes, sondaı-aq burynǵy tabystarymyzdy nyǵaıta, osy jańa álemge ózimizdiń yqpal etý múmkindigimizdi keńeıte otyryp, damýymyzdy jalǵastyrý», dedi.
Elbasynyń «Árbir otbasyna baspana alýdyń jańa múmkindikterin berý» atty birinshi bastamasy ár jas otbasy úshin úlken múmkindik týǵyzdy.
Qarapaıym halyqtyń múddesine baǵyttalǵan ekinshi qadam «Jalaqysy tómen jumysshylardyń eńbekaqysyn kóbeıtý úshin olardyń salyq júktemesin azaıtý». El prezıdentiniń jyl saıynǵy joldaýlarynyń basym baǵyttary jastarmen tikeleı baılanysty. Keleshegimizdiń kelbeti, bolashaǵymyzdyń baıandy bolýy búgingi jastardyn qolynda. О́ıtkeni olar – «erteńimizdi jasaıtyn búginimiz». Sondyqtan da keleshek urpaqqa sapaly bilim, sanaly tálim-tárbıe berip, osy jolda eńbek etýine jaǵdaı jasalynýy mańyzdy. Osy oraıda bes bastamanyń úshinshi baǵyty «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý» bolyp belgilendi. Bul halqymyzdyń odan ári damýyna aıtarlyqtaı úlesin qosary anyq. Sonymen qatar Elbasynyń tórtinshi bastamasy – «Shaǵyn nesıe berýdi kóbeıtý». Bul aýyldyq óńirlerde shaǵyn bıznesterdiń ashylýyna odan ári damýyna zor úlesin qosady dep senemin. «Eldi gazben qamtamasyz etýdi jalǵastyrý» atty besinshi bastamasy bolashaqta óndiristerdiń damýyna jáne ekologııalyq jaǵdaıdyń jaqsarýyna múmkindik týǵyzady dep senemiz.
Elbasynyń myǵym ári myqty, syndarly da salıqaly saıasatyn qoldaı otyra, el ıgiligi úshin bar kúsh-jigerimiz ben bilimimizdi sala eńbek etsek úlken bıikterden kórinerimiz anyq. Mundaı bastamalardy siz ben biz bolyp qoldaýymyz qajet.
Sársenbek BAIаZITOV,
Bıdaıyq aýyldyq okrýginiń ákimi
Qaraǵandy oblysy,
Jańaarqa aýdany
