Nysandy tekserý barysynda QR Premer-Mınıstri Baqytjan Saǵyntaevqa «Shymkent Sity» turǵyn úı kesheni 56 myń turǵynǵa arnap salynyp jatqany aıtyldy. 427 ga aýmaqta 2025 jylǵa deıin 324 turǵyn úı, 7 mektep jáne 21 balabaqsha salynady.
Jalpy alǵanda, «Nurly jer» baǵdarlamasy aıasynda 2018 jyly 7 665 páterdi tapsyrý kózdelgen. Búgingi tańda oblysta 277 kópqabatty turǵyn úı (13 009 páter) salynyp jatyr. Jyl sońynda 129 úı (4 582 páter) paıdalanýǵa beriledi.
О́z kezeginde «Bazıs-A» korporasııasynyń ókili A. О́mirzaqov áleýmettik nysandardyń qurylysy týraly aıtyp berdi: 8 myń adam syıatyn «Shymkent Arena» sport kesheni; sondaı-aq «Kongress-ortalyq», onda bir mezgilde 2 myńǵa jýyq adam bos ýaqytyn ótkize alady. Sonymen qatar, «Shymkent» ÁKK tóraǵasy A. Aldajarov oblys ortalyǵynda jańa áýejaı termınalyn salý tujyrymdamasymen tanystyrdy.
Budan ózge, turǵyn úı alabyn aralaý kezinde «7–20–25» jańa turǵyn úı baǵdarlamasynyń oryndalýyn eskere otyryp, qurylys salasyn odan ári damytý boıynsha óńirdiń áleýeti qaraldy.
