- Bıylǵy jyly pılottyq rejımde «aqyldy úı» jobasyn iske qosýǵa daıynbyz, onyń ishinde beınekameralardy, qozǵalys sensorlaryn, elektr eseptegishterin, sý berý kózderin jáne t.b. qosý qamtamasyz etiledi. Búgingi kúni «Aqyldy qala» aıasynda aqtóbelik úılerdiń kireberisinde 170 kamera jumys istep tur, bıyl qosymsha 800 beıne kamerany qosý josparlanyp otyr. Budan basqa, áleýmettik obektilerdi talshyqty-optıkalyq baılanysqa qosý boıynsha jumystar júrgizilýde. Jaqyn arada biz Aqtóbeni sıfrlandyrý salasyndaǵy jetekshi qalalardyń biri bolýy úshin aıtarlyqtaı qarajat salamyz, - dedi Q.Esekeev.
О́z kezeginde oblys ákimi Memleket basshysynyń tapsyrmasyna sáıkes «Sıfrlyq Qazaqstan» baǵdarlamasyn iske asyrýdyń mańyzdylyǵyn atap ótti.
- Jalpy, biz sizderdiń usynystaryńyzdy qoldaımyz jáne óńirdi ári qaraı sıfrlandyrý úshin qajetti qarajat bólýge daıynbyz. Basty máselelerdiń biri - bilim berý jáne densaýlyq saqtaý mekemelerinde, ásirese aýyldyq eldi mekenderde ınternettiń jyldamdyǵyn arttyrý, -dep atap ótti B.Saparbaev.
Qazirgi ýaqytta «Qazaqtelekom» AQ tirkelgen baılanys qyzmetin Aqtóbe oblysynyń paıdalanýshylarynyń 80%-yn quraıdy. Bıylǵy jyly kompanııa oblys ákimdiginiń birlesken qarjylandyrýymen 340 mektep pen 325 medısınalyq mekemeni joǵary jyldamdyqtaǵy ınternetpen qamtamasyz etýdi josparlap otyr. Osy maqsattarǵa 875 mln. teńgeden astam qarjy jumsalady, onyń 450 mln. tg kompanııa qarjysy bolyp otyr. Sondaı-aq, aýdandyq ákimdikter men HQKO joǵary jyldamdyqpen ınternet jelisine kirýdi qamtamasyz etý josparlanyp otyr. Quqyq qorǵaý, kólik jáne turǵyn úı-kommýnaldyq sharýashylyq salasynda da jańa sıfrlyq tehnologııalardy qoldaný josparlanýda.
Temir Qusaıyn,
«Egemen Qazaqstan»
