Kezdesý barysynda mıneraldyq resýrstar salasynda yntymaqtastyq týraly memorandýmǵa qol qoıyldy, onyń maqsaty — geologııa men jer qoınaýyn paıdalaný salasyndaǵy ekijaqty qarym-qatynastyń berik negizin qalaý. Memorandým aıasynda taraptar taý-ken ónerkásibi salasy boıynsha aqparattarmen, tájirıbemen, tehnologııalarmen jáne biliktiligi joǵary kadrlarmen almasatyn bolady.
Sondaı-aq, qymbat metaldardy óńdeý salasynda tájirıbe almasý, naqtyraq aıtqanda «Taý-Ken Altyn» affınajdy zaýytyndaǵy tehnologııalyq prosestermen tanysý máseleleri talqylandy.
Budan ózge, kezdesýde eki memlekettiń ýákiletti organdary arasynda azamattyq áýe kemelerimen bolatyn avıasııalyq oqıǵalardyń aldyn alý jáne tekserý salasyndaǵy yntymaqtastyqty nyǵaıtý jóninde kelisimderge qol jetkizildi.
«QR Investısııalar jáne damý mınıstrligi men Mońǵolııanyń azamattyq áýe kemelerimen bolatyn avıasııalyq oqıǵalardyń aldyn alý jáne tekserý Bıýrosy arasyndaǵy ózara túsinistik» týraly Memorandým aıasynda taraptar Halyqaralyq azamattyq avıasııa týraly konvensııanyń 13-qosymshasynda usynylǵan tájirıbege sáıkes avıasııalyq oqıǵalardy tekserý, aqparatpen jáne tájirıbemen almasýda yntymaqtastyqty damytýǵa nıetti.
