M.Qynatov sýdyń júrýin durys boljaýǵa múmkindik beretin jańa sıfrlyq júıesin usyndy. Sonymen qatar, Aqtóbe oblysyndaǵy tońnyń qalyńdyǵy men iri ózenderdegi muzdyń júrmeýi aldaǵy ýaqytta sý tasqynyna sebep bolýy múmkin dep atap ótti.
«28 naýryzdaǵy jaǵdaı boıynsha oblys aýmaǵynyń 47% áli qar bar. Mysaly, 2017 jyldyń 8 sáýirinen bastap 19 sáýirge deıin, ıaǵnı, 11 kúnniń ishinde qar tolyq erip ketti. Bıyl da aýa raıy kúrt ózgeredi. Kelesi aptada aýa temperatýrasy nólden tómendep, 6 sáýirden bastap 12 gradýs jyly bolady. Biraq tún salqyn. Bul qardyń birte-birte eritýge yqpal etedi», - dedi Marat Qynatov.
Kezdesý kezinde oblys basshysy naqty boljamdardy usynýdy surady. Aıta ketsek, ótken jyly sýǵa ketip, jalǵyz baspanasynan aıyrylǵan aqtóbelikter bıyl da úreı ústinde otyr. Sý tasqyny maýsymyna daıyndyq kezinde arnaıy jedel shtab qurylyp, úzilissiz qońyraýlar qabyldaýda. Sońǵy on kúnde barlyǵy 600-den astam adam qońyraý shalyp, kómek suraǵan.
