Oblystyq tótenshe jaǵdaılar departamentiniń taratqan málimetterine súıensek, Buqtyrma ózeni arnasynan asqandyqtan Zyrıan aýdanynyń Zýbov kentindegi birneshe kóshege sý jaıylǵan. Qazirgi ýaqytta Toqtarov, Beregovaıa, Lazo jáne Kazachenko kóshelerinen úıin sý basqan adamdar qaýipsiz jerge kóshirilýde.
«Eldi mekenniń kóshelerine kezekshilik qoıylyp, Serebrıansk qalasynan 10 órt sóndirýshi kelip jetti. Úıin tastap shyqqandar sany áli anyqtalǵan joq. Qutqarý jumystary qarqyndy júrip jatyr. Tasqynnan zardap shekken turǵyndar mektep bazasynda qurylǵan ýaqytsha baspanaǵa ornalasýda. Sý basqan aýmaqta jergilikti polısııanyń 2 ekıpajy men ákimdik ókilderi júr. Aýdandyq ákimdik júrgizgen esep boıynsha qazirdiń ózinde 27 úıge sý kirgen. Onyń tórteýi bos turǵan úıler. Sý alǵan úılerdi esepke alý jumystary da jalǵasýda», - delingen departament taratqan málimette.
Azamat QASYM,
«Egemen Qazaqstan»
Shyǵys Qazaqstan oblysy,
Zyrıan aýdany
