Memleket basshysynyń óńdeý sektoryna on transulttyq kompanııany tartý boıynsha bergen tapsyrmasyna sáıkes, Kazakh Invest Farm Frites kompanııasynyń «Kartop óńdeý zaýytyn salý» ınvestısııalyq jobasyn súıemeldeıdi.
О́tken jyly Farm Frites kartop surypyn synaý jumystaryn júrgizdi jáne jobany iske asyrý aımaǵy retinde Almaty oblysy anyqtaldy. Qazirgi tańda Kazakh Invest jer telimin alýǵa jáne basqa da konsaltıngtik qyzmetterdi berý arqyly kómek kórsetip jatyr.
Osylaısha, jylyna 70 myń tonna elıtalyq kartoptyń 11 surypyn ósirýge arnalǵan ortalyq salý kózdelgen. Zaýyt qurylysy 2019 jyldyń sáýir aıyna josparlanǵan. Jobanyń jalpy quny — $165 mln.
Atalǵan máseleler «Kazakh Invest» UK» AQ basqarma tóraǵasy Saparbek Tuıaqbaevpen jáne ınvestısııalyq jobanyń qazaqstandyq seriktesi retinde qyzmet kórsetetin «Eurasia Gold» JShS-men ótken kezdesý barysynda talqylanǵan.
Farm Frites kompanııasy 1971 jyly Nıderlandyda tońazytylǵan jáne salqyndatylǵan kartop ónimderin shyǵaratyn otbasylyq kásiporyn retinde qurylǵan. Transulttyq kompanııada álemniń 40 elinde satý ofısteri jáne 1500 qyzmetkeri bar 6 zaýyty qyzmet kórsetedi. Kartopty óńdeý jylyna 1,3 mln tonnany quraıdy. Kompanııanyń zaýyttary men satý ofısteri álemniń 80 eline ónimderdi eksporttaýǵa múmkindik beredi. Marka Eýropadaǵy úsh iri eýropalyq óndirýshilerdiń biri.
Anyqtama: Kazakh Invest Memleket basshysynyń tapsyrmalaryn oryndaý aıasynda Dúnıejúzilik bankpen birlesip 2018–2022 jyldarǵa arnalǵan Ulttyq ınvestısııalyq strategııany ázirledi. Jumys úsh baǵyt boıynsha júzege asyrylady: ınvestısııalyq ahýaldy jaqsartý; tıimdi operasııalyq sharalardy iske asyrý jáne ınvestısııalardy tartýdyń jańa tásilderin ázirleý; jekeshelendirý jáne MJÁ.
Ulttyq strategııada sheteldik ınvestısııalardy (AО́K, mashına jasaý, hımııa jáne munaı hımııasy, ınfraqurylym, taý-ken jáne metallýrgııa kesheni, saýda) tartýdyń basymdyqty salalary jáne úlesine ınvestısııalardyń 80%-ne deıin keletin 11 basymdyqty el (AQSh, RF, Ulybrıtanııa, Germanııa, Fransııa, Italııa, QHR, Japonııa, Ońtústik Koreıa, Túrkııa, BAÁ) anyqtalǵan.
