Aımaqtar • 02 Sáýir, 2018

Shymkentte balmuzdaqtan ýlanǵandardyń sany 188-ge jetti

280 ret

kórsetildi

1 mın

oqý úshin

Shymkentte balmuzdaqtan ýlanǵandardyń sany 188-ge jetti, dep habarlaıdy Shymkent qalalyq juqpaly aýrýlar aýrýhanasynyń bas dárigeri Ǵalym Aınabekov.

Egemen Qazaqstan

Shymkentte balmuzdaqtan ýlanǵandardyń sany 188-ge jetti

"28-29 naýryz kúnderi bizge shamamen 30 adam kelip tústi, 30 naýryzda eń joǵarǵy kórsetkish boldy – 79 adam, sodan keıin 31 naýryzda taǵy 52 adam medısınalyq kómekke júgindi. Jalpy aýrýhanaǵa ýlaný dıagnozymen 188 adam kelip tústi", - dedi ol.

Buǵan deıin OQO Densaýlyq saqtaý basqarmasy 60 adamnyń balmuzdaqtan ýlanǵany týraly aqparat taratqan. Belgili bolǵandaı, barlyq zardap shekkender jemisti jumsaq balmuzdaq jegen. Balmuzdaqtar jeke kásipker M.Ishmýratovaǵa tıesili Respýblıka dańǵyly boıyndaǵy saýda núktesinen satyp alynǵan.

Aldyn ala málimet boıynsha, balmuzdaq qospasy úı jaǵdaıynda jasalǵan. Osyǵan oraı balmuzdaqty daıyndaý jáne satý talaptarynyń saqtalýyna baılanysty tekserý jumystary bastaldy.

Aıta keteıik, Ońtústik Qazaqstan oblysynyń ákimi Janseıit Túımebaev balmuzdaq jep, ishek ınfeksııasyn juqtyrǵan naýqastardyń jaǵdaıymen tanysqan bolatyn.