Qazaqstandyq boksshy Gennadıı Golovkın men meksıkalyq Saýl Alvares arasyndaǵy ekinshi kezdesý ótpeıtin boldy. Bul týraly Golden Boy Promotions promoýterlik kompanııasynyń prezıdenti Erık Gomes pen Alvarestiń ózi Los-Andjeleste ótken baspasóz máslıhatynda aıtty. Aıqastyń ótpeıtinine negizgi sebep – meksıkalyq boksshynyń dopıng daýyna ilikkeni bolyp tur.
«5 mamyrǵa josparlanǵan ekinshi kezdesýden bas tarttyq. 18 sáýir kúni komıssııa tyńdalymy ótip, resmı sheshim shyǵady. О́kinishke qaraı, odan keıin 5 mamyrǵa deıin jekpe-jekti keń kólemde jarnamalaýǵa ýaqyt az», dedi Erık Gomes.
Aıta keteıik, Saýl Alvares 17 jáne 20 aqpan kúnderi klenbýteroldy anyqtaıtyn dopıng-test tapsyryp, ol oń nátıjeni kórsetkendigi úshin bokstan ýaqytsha shettetilgen-di. Osydan eki apta buryn Nevada shtatynyń atletıkalyq komıssııanyń atqarýshy dırektory Bob Bennett Alvares daýyna baılanysty komıssııa otyrysy 18 sáýirde ótetinin aıtqan edi.
Eki boksshynyń arasyndaǵy ekinshi kezdesý 5 mamyrda Las-Vegasta ótýi tıis bolǵan.
