Býrabaı týrısterdi jyl boıy qabyldaıdy

Elimizge ǵana emes, alys ta jaqyn shetelderge bel­gi­li kýrortty aımaqtyń jyl boıy týrısterdi qabyl­daı alatyn  Aqmola ob­lysynyń týrıstik aq­pa­rat­tyq ortalyǵy uıym­das­­tyrǵan arnaıy eki kún­dik baspasóz týry bary­syn­da kóz jetkizdik. Ish­ki saıasat bas­­qarmasy О́ńir­lik kom­mý­­nı­kasııalar qyz­me­ti­niń qol­­­da­ýymen uıym­das­ty­ryl­ǵan baspasóz týryna shamamen 30 adam, sonyń ishinde respýblıkanyń jıyrmaǵa tarta jetekshi buqaralyq aq­parat qural­darynyń ókil­deri qatysty.

Sonyń barysynda kýrortty aımaqtyń su­lý da kórikti tabıǵatyn ta­ma­­shalaýǵa múmkindik týdy. Bu­dan basqa, buqaralyq aq­parat quraldary ókil­de­rine «Four seasons» tujy­rym­damasy boıynsha jyl boıy týrızmdi damytý jol­dary túsindirildi. Já­ne de jergilikti bılik or­gan­darynyń týrızmdi da­my­­tý josparlarymen ja­qyn tanystyq. Jalpy, jyl boı­y týrızmdi damytý tu­jy­rymdamasyna sáıkes Shý­che-Býrabaı kýrorttyq aıma­ǵyn­da týrızmniń bar­lyq túr­­lerine respýb­lıka­lyq já­­ne halyqara­lyq deń­geıde aý­­qym­dy mádenı-sport­tyq sha­ralardy júzege asy­rý kóz­delip otyr.  Bul rette Aqmola obly­sy Týrızm basqar­ma­sy­­nyń týrıstik aqparat or­­talyǵy biraz sharýa­lar­dy da tyndyryp tastady. Túrkııanyń týrı­zm sa­la­­syndaǵy «Balikesir Uni­ver­­sity» bilim oshaǵynyń tý­rı­z­m jáne qonaq úı sha­rýa­shy­lyǵy fakýltetin ta­ma­mdaǵan ortalyq jetekshisi Danııar Idııatov Býrabaıǵa týrısterdi jappaı jáne jyl boıyna tartý basty maqsattary ekenin aıtady. Danııar ózi týyp-ósken ólkeni damytýǵa da qulshynyp tur. Oǵan tájirıbesi men biligi de jetkilikti.

Jalpy, Aqmola obly­sy­nyń týrıstik áleýeti zor. Qysqy jáne jazǵy mez­gil­­deri taý-shańǵy bazalary men týrıstik baǵyttar bo­ı­­ynsha týrısterdiń de­m­alý­­laryna barlyq jaǵ­daı ja­salǵan. Osyǵan oraı em­deý-saýyqtyrý, má­denı-ta­­nymdyq, eko­logııa­lyq, bu­qaralyq sport jáne isker­lik týrızmine erekshe den qoıylyp otyr. Árı­ne mun­daı kezde qyzmet kór­se­tý sapasyna degen talap ta arta túsedi. Osy tur­ǵy­dan kelgende qyzmet kór­set­ý­di jáne týrıstik ın­dýs­trııa­ny jaqsartýdyń ma­­ńyzdy qadamy qonaq úı­ler­diń qyzmet kórsetý sapasyn arttyrý ekendigi aıtpasa da túsinikti. Osyǵan oraı óńir­degi qonaq úıler men de­malys oryndary sanatyn art­­tyrý jolynda júıeli ju­mystar jasalýda ekendigi atal­maı qalmady. 

Baspasóz týry aıasynda buqaralyq aqparat qu­ral­­darynyń ókilderi, týrıstik oryn­­dardyń joǵary sapa­sy men kórsetiletin qyz­met­terine óz baǵalaryn be­rip jatty. Jalpy, mundaı bas­pasóz týrlary Býrabaı aý­da­nynyń týrıstik qyzmet ny­sandarynyń jaıyna nazar aýdartyp ǵana qoı­maı, jar­nama naýqanyn uıym­das­ty­rýǵa taptyrmaıtyn tetik. Bul óz kezeginde álgi demalys oryndaryna áleýetti tapsyrys berýshiler qataryn molaıta túsýi tıis. 

Asqar TURAPBAIULY,
«Egemen Qazaqstan»

Aqmola oblysy