- Qazaqstan quramasy jańadan alǵan tennısshi Aleksandr Býblıkti nege osy oıynǵa qatystyrmady. Ol joǵary reıtıngisi bar, jaqsy tennısshi edi ǵoı?
- Iá, Aleksandr Býblık Qazaqstan quramasynyń oıyndaryna qatysa alady. Alaıda, onyń qazir tizesinde jaraqat bar. Sondyqtan da, osy kezdesýge shaqyrtylmady. Áıtpese, bizdiń quramany ájeptáýir kúsheıtetin edi. Degenmen de, keler oıyndarda biz oǵan senim artatyn bolamyz.
- Aldaǵy oıynnan ne kútesiz?
- Horvatııa jaqsy dástúri bar, myqty jeńisterge jetken qurama. Bul oıyn bizge sózsiz aýyr bolatyny anyq. Horvatııa tennısshileri óte joǵarǵy deńgeıde. «Devıs kýbogyn» jeńgen komandaǵa qarsy oınaý eshkimge de ońaı soqpasy belgili.
- Qazaqstan quramasynyń tennısshileri Mıhaıl Kýkýshkın men Aleksandr Nedovesov Horvatııa quramasynyń oıynshylary Chılıch, Chorıchterdi ártúrli jarystarda jeńgen eken. Bul jaǵdaı Sizdiń shákirtterińizge qosymsha senimdilik bere me?
- Iá, ras aıtasyz, osyǵan deıin bizdiń tennısshilerimiz Horvatııa tennısshilerimen kezdesken. Tipti, Mıhaıl Kýkshkın Marın Chılıchpen úsh ret kezdesip, úsh oıynda da tegeýrindi qarsylyq kórsetken. Bir matchty tipti jeńgen de bolatyn. Sondyqtan da, bul faktorlardyń barlyǵy bizdiń jigitterge kishkene de bolsa senimdilik beretini anyq.
Ermuhamed Máýlen,
«Egemen Qazaqstan»
Varajdın, Horvatııa.
