Mahambet aýdanynyń Saraıshyq aýylyndaǵy mal sharýashylyǵy keshenin tekserý barysynda Baqytjan Saǵyntaevqa óńirde Agroónerkásip keshenin damytýdyń memlekettik baǵdarlamasyn júzege asyrý barysy týraly baıandaldy. 2017 jyly oblystyń aýyl sharýashylyǵy jalpy óniminiń kólemi 62,7 mlrd tg qurady, 2018 jyldyń qańtar-aqpan aılaryndaǵy ósim ótken jyldyń sáıkes kezeńimen salystyrǵanda 1,5%-ti qurady.
«Saraıshyq» asyl tuqymdy mal sharýashylyǵynyń úlken otar qoıy, úlken tabyn túıesi men jylqylary jáne et óńdeý sehy bar. Sonymen qatar aýyl sharýashylyǵy kásipornynyń negizgi baǵyty — zaanen asyl tuqymdy eshkilerin ósirý (esk., — álemdegi eń sútti eshki tuqymy) jáne eshki sútin óndirý. Munda qoldanylatyn ıtalııalyq jáne serbııalyq jabdyqtar jylyna 180 t eshki súti men 140 t sút ónimderin shyǵarýǵa múmkindik beredi.
Ferma dırektory V. Rozmetovtyń aıtýynsha, keńeıtý aıasynda 450 asyl tuqymdy eshki ákelindi, búgingi tańda 300 bas mal tóli jınaldy. Birinshi kezeńde 81 t pasterlengen sút, 21,6 t ıogýrt, assortımenttegi 15,3 t irimshik jáne 4 t eshki etin shyǵarý josparlanǵan.
Sondaı-aq, fermada ana sútiniń paıdasynan kem túspeıtin balalar tamaǵyn shyǵarý josparda bar. Jaqyn arada eshki sútinen balmuzdaq pen maı shyǵarylatyn bolady.
Qazaqstanda osy úlgidegi joba alǵash ret júzege asyrylýda. Údemeli ındýstrıaldy-ınnovasııalyq damý memlekettik baǵdarlamasynyń qoldaýymen qurylǵan sharýashylyq búginde jeńildikti nesıeniń basym bóligin ótegen.
Aıta ketý kerek, elimizdegi aýyl sharýashylyǵy kásipornynyń damýyna Prezıdenttiń bes áleýmettik bastamasynyń tórtinshi baǵytyn júzege asyrý nátıjeleri úlken yqpalyn tıgizedi. 2018 jyly jappaı kásipkerlikti damytý úshin jeńildikti nesıe berýdi ulǵaıtý maqsatynda qosymsha 20 mlrd tg bólindi, osylaısha shaǵyn nesıe berýdiń jalpy somasy 62 mlrd tg quraıdy.
