Elimizdiń maqtanyshy

Qazaqstan halqynyń sonaý almaǵaıyp, alasa­py­ran zamanda 1991 jyldyń 1 jeltoqsanynda óziniń Prezıdenti etip N.Á.Nazarbaevty saılaýy, hal­qymyzdyń úlken parasattylyǵynyń, Elbasyǵa degen úlken seniminiń belgisi edi. Osy zor tarıhı oqıǵa árbir otandasymyzdyń sanasynda saltanatty kún bolyp qaldy. Jaqsy kún jarqyn jalǵasyn tapty. Elbasymyz Nursul­tan Ábishuly Nazarbaevtyń basshylyǵymen táýel­siz­dik jyldarynda respýblıkamyzda júz jylǵa tatyrlyq ister atqaryldy. Elbasy ekonomıkasy tyǵyryqqa tirelgen, saıası daǵdarysqa ushyraý aldyndaǵy Qazaqstandy jańa dáýirlik jarqyn kúnderge jetelep alyp shyqty. Shynynda da, osy qysqa ýaqytty oımen sholyp shyqsaq, elimiz táýelsizdik alyp, irgesin bekitken, halqymyzdy qýanyshqa keneltken, shabytyna sha­byt qosyp, jigerlendire túsken, buryn-sońdy túsi­mizge de kirmegen, dosty súıindirip, dushpandy kúıin­diretin, beınelep aıtsaq, talaı ǵajaıyp­tardyń kýási bolǵanymyz anyq. Saıasatta bolsyn, ekonomıkada bolsyn, áleýmet­tik salada bolsyn Qazaqstan ózgelerge úlgi bola­tyn­daı dárejede damý ústinde. N.Á.Nazarbaevtyń basshylyǵymen «Qazaqstan-2030» atty strategııa­lyq baǵdarlama qabyldap, elimizdiń 2030 jylǵa deıingi damýyn aldyn ala belgiledik. Nátıjesinde, Qazaqstan ekonomıkalyq reformany júzege asy­rý­da keshegi Keńes Odaǵy respýblıkalarynyń aldyna shyǵyp, biz ustanǵan ekonomıkalyq model damýshy elderge úlgi-ónege retinde usynyla bastady. Kezeń-kezeńge bólingen ekonomıkanyń damýynyń alǵash­qy satysynda «Qazaqstan – 2030» strategııasyn júzege asyrýdyń birinshi onjyldyǵy tujyrym­daldy. Ony oryndaýdyń barysynda eldiń ishki jalpy ónimi eki esege deıin artyp, halyqtyń ál-aýqaty anaǵurlym ósti, eń bastysy – ekonomıkalyq damý qarqyndy sıpat aldy. Qazaqstannyń jan basyna shaqqandaǵy ishki jalpy ónim kólemi qazirdiń ózinde Shyǵys Eýropadaǵy birqatar elderge teńesip qaldy. Osy jyldary zeınetaqy mólsheri 4,5 ese, jalaqy 5,5 ese artqanyn aıtýdyń ózi jetkilikti. Endi «Qazaqstan-2030» baǵdarlamasynyń ekinshi on­jyldyǵyna arnalǵan mindetter is júzine asyrylýda. Údemeli ındýstrııalyq-ınnovasııalyq baǵdarlama aıasynda iske qosylyp jatqan júzdegen óndiris oryndary, Batys Qytaı – Batys Eýropa jol qurylysy, Beıneý – Bozoı – Aqbulaq – Qorǵas gaz qubyry taǵy basqa da ondaǵan, júzdegen obektiler elimizdiń ekonomıkasy men halyqtyń áleýmettik jaǵdaıyn jańa satyǵa kóteredi. Áleýmettik salada da Elbasy N.Á.Nazarbaevtyń tikeleı tapsyrmasymen júzdegen mektepter men aýrýhanalar, «Balapan» baǵdarlamalary aıasynda balabaqshalar, aýyz sý júıeleri salynýda. Kadr daıarlaý jónindegi budan 16 jyl buryn dúnıege kelgen «Bolashaq» baǵdarlamasy men elimizdegi maman kadrlar daıarlaý jónindegi qazirgi zaman talabyna saı mindetter turaqty kún tártibine qoıyldy. Elbasy azat kúnderdiń alǵashqy tynysynan bastap qazaq tiliniń mártebesi men mereıin kóterý, onyń paıdalanylý jáne qoldanylý aıasyn keńeıtý turǵysynda únemi qam­qorlyq pen basshylyq jasap keledi. «Qazaq qa­zaqpen qazaqsha sóıles­sin», dep bul iske mán berip, bastama kótergen Elbasymyz odan keıingi jyldary: «Qazaq­stan­nyń bolashaǵy – qazaq tilinde», degen usta­ny­myn ashyp aıtyp, barsha jurtymyzdy osyǵan erekshe mán berýge ju­myldyrdy. Ulttyq mádenıetimizdi qaıta túletý úshin «Mádenı mura» memlekettik baǵdarlamasyna basshylyq jasap, halqymyzdyń kóne tarıhy men mádenıetin keler urpaqqa jetkizetin úlken is atqaryldy. N.Á.Nazarbaevtyń eń batyl sheshimderiniń biri elimizdiń astanasyn ásem Almatydan Saryarqa tósine kóshirýi boldy. Bul Elbasymyzdyń erlikke  para-par isi boldy. Prezıdentimizdiń tikeleı basshylyǵymen astana­ǵa aınalǵan elordamyz búginde óte serpindi damýda. Nebári 14 jyl kóleminde munda jappaı qarqyn alǵan turǵyn úı qurylysyn bylaı qoıǵanda, el sımvoly atanǵan Báıterekten bastap, qaıtalanbas bolmys-bitimdi Han Shatyr, Pıramıda, Táýelsizdik saraıy, «Qazaqstan» konsert zaly, «Qazaq eli» monýmenti, taǵy basqa da kóptegen ásem ǵımarattar boı kóterdi. Qazaqstannyń júregi atanyp otyrǵan Astananyń bolashaqta munan da kórikti bola túse­tinine eshqandaı shúbá joq. Astana Qazaqstannyń Tuńǵysh Prezıdenti Nursultan Ábishuly Nazarbaev­tyń ǵasyrlyq qoltańbasy, táýelsiz elimizdiń tarıhı jeńisi! Osy oraıda Elbasymyzdyń «Dúnıede táýelsiz Qazaq eli bar. Álemde egemen Qazaqstan bar. Onyń kópultty, tatý, yntymaqty halqy bar. Qýatty ekonomıkasy, senimdi saıası júıesi bar. Eń bastysy búginnen nur­ly, búginnen jemisti bo­lashaǵy bar» – degen sózderi eske túsedi. Keý­deńdi qýanysh pen shat­tyq, óz elińe degen, El­basyǵa degen maqtanysh sezimi kerneıdi. Endi eki aptadan keıin elimizdiń Táýelsizdik alǵanyna 20 jyl tolady. Osy tarıhı qysqa merzimde Táýelsiz Qazaqstan Prezıdent N.Á.Nazarbaevtyń basshylyǵymen nebir qıyn-qystaý kezeńderden súrinbeı ótip, tolaǵaı tabystarǵa jetti, qarqyndy damý jolyna tústi. El de, zaman da, qoǵam da jańardy. Nursultan Ábish­uly Qazaq elin, qazaq halqyn, Táýelsiz Qazaqstandy búkil álemge tanytty. Buryn biz kim edik, qazir kimbiz? Árbir qazaqstandyq ózine osy suraqty qoıyp, oılansa, bizdiń eldiń búgingi jetistikteri kóz al­dymyzǵa keledi, kókiregińdi óz elińe degen, Elbasyǵa degen rızashylyq sezim men maqtanysh kerneıdi. Biz álemdi dúrliktirgen qarjy daǵdarysynyń eń qıyn kezeńderin Elbasynyń sara saıasatynyń arqasynda jeńip shyqtyq emes pe? N.Á.Nazarbaevtyń danagóı, salıqaly saıasatynyń arqasynda Qazaqstan halyq­aralyq arenada joǵary dárejege ıe bolyp, EQYU-ǵa tóraǵa boldy. Árıne, osynyń bári – Táý­el­siz­diktiń arqasy, Prezıdentimizdiń qajyrly eńbeginiń, syndarly saıasatynyń jemisi. Halqymyzdyń sheksiz rızashylyǵyna bólengen Memleket basshysyn Qazaqstan halqy Elbasy dep úlken qurmetpen ataıdy. Sanaly ǵumyryn Táýelsiz Qazaqstandy kórkeıtýge arnap kele jatqan tulǵaǵa halyq qandaı qurmet kórsetse de jarasady. Biraq Elbasy óziniń elge sińirgen eńbegin kórsetip, esh ýaqytta ataq-abyroıǵa qyzyqqanyn kórgen joqpyz. Búginde Táýelsiz Qazaqstannyń Tuńǵysh Prezıdenti N.Á.Nazarbaevtyń esimi óz ultymyzdyń ǵana emes, búkil túrki jurtynyń kóshbasshysy retinde tórtkúl dúnıege tegis málim dep tolyq aıta alamyz. «Súıer ulyń bolsa, sen súı – súıinerge jarar ol», dep uly Abaı ósıet etkendeı, búginde elin, halqyn súısintip otyrǵan Nursultan Ábishuly búkil qazaq­tyń maqtanyshyna, mahabbatyna aınalǵan erekshe tulǵa. «Nazarbaevty qazaq halqynyń baǵy úshin bere salǵan», dep talaı eldiń ári qyzyǵa, ári qyzǵana aıtqan sózderin san márte estigenbiz. Rııasyz kóńil­den shyqqan mundaı madaqtaýlarǵa árbir qazaq­stan­dyqtyń júregi jylyp, Elbasymyzǵa degen maqta­nysh sezimi kóńilge uıalaıtyny sózsiz. N.Á.Nazarbaev – óz halqynyń bar qadir-qasıetin, tilin, tarıhyn, mádenıetin, salt-dástúrin jetik biletin, ultyn jan-tánimen súıetin, onyń mártebesin ósirip, halqynyń senimin aqtap kele jatqan óz eliniń shyn perzenti, keleshekti boljaı biletin, aldaǵyny oılaı biletin kóshbasshysy. Halyqtan shyqqan qaıratker Táýelsiz Qazaqstan­nyń negizin qalaýshy, elimizdiń ekonomıkasynyń qar­qyndy ósýine, otandastarymyzdyń ál-aýqaty­nyń artýyna qol jetkizgen, barsha álem moıyndaǵan qaıratker – tulǵa. Búgingi tańda dúnıe júzinde «Qazaqstan» men «Nazarbaev» degen sózder egiz uǵymǵa aınaldy. Sondyqtan elim, jerim degen, eldiń, jerdiń qamyn jegen Elbasymyz Nur­sultan Ábishuly Nazarbaevpen halqymyz maqtana­dy, qurmetteıdi, onyń amandyǵyn tileıdi. Qýanysh AITAHANOV, Parlament Senatynyń depýtaty.