Bul – naǵyz halyqtyq sheshim

Bul kún erekshe este qalarlyq kún bolǵaly tur. О́ıtkeni, «Qa­zaq­stan Respýblıkasynyń Tuń­ǵysh Pre­zıdenti – Elbasy týra­ly» Qazaq­stan Respýblıkasynyń Konstıtý­sııa­lyq zańyna jáne «Qazaqstan Res­pýblıkasynyń mem­lekettik nag­ra­dalary týraly» Qa­zaqstan Respýb­lıkasynyń Zańyna tolyqtyrý engizildi. Jıyrma jyl ishinde elimiz aýmaqtyq tutastyǵyn saqtaı oty­ryp, táýelsizdiktiń arqasynda mem­lekettiliktiń jańa beınesin qalyptastyryp úlgerdi. Birikken Ulttar Uıymynyń jáne ózge de halyqaralyq beldi degen uıym­dar­dyń  múshesi bolǵan Qazaqstan halyqaralyq quqyqtyń sýbek­ti­sine aınaldy. Táýelsizdiktiń al­ǵash­qy kúnderinen bastap men eli­mizdiń syrtqy saıası jáne syrtqy ekonomıkalyq kókjıegindegi má­selelermen aınalysýda Prezıdent Nursultan Nazarbaevpen  bes jyl­daı birge jumys isteý baqy­tyna ıe boldym. Sol bes jyldyń ishinde ózim Elbasynyń senbi, jeksenbi kúnderi jumys istemeı qalǵan sátterin kórgen emespin. Árıne, ol kezder óziniń qı­yn­dyǵymen jáne qarbalasty kezeń­de­rimen este qaldy. Keńes Odaǵy­nyń qulaýymen Qazaqstan álem­dik qoǵamdastyq aldynda ózin ta­ny­týy tıis edi. Bul jolda ár túrli táýekelderge baryp, qaýip-qaterlerdi eńserýge týra keldi. Bir ǵana ıadrolyq qarýsyzdaný má­selesiniń ózi Nursultan Nazar­baev­tyń qanshama kúsh-jigerin al­dy deseńizshi. Memleket basshysy – álemdik antııadrolyq úderis­ter­diń bastalýyna negiz qalaı oty­ryp, sony is júzine asyrǵan ja­handyq deńgeıdegi dara tulǵa. Nursultan Ábishulymen ótkiz­gen bes jyl men úshin uly ómir sabaǵy, uly tájirıbeler sabaǵy bol­dy desem, artyq aıtqandyq emes. О́ıtkeni, men Elbasynyń prın­sıpin bilemin, ol ózińniń qolyńnan keletinnen de kóp isteýge tyrys degenge saıady. Osy ótken jıyrma jyldyń ishinde El­basy osy prınsıpti únemi usta­nyp keledi. Sondyqtan da Qa­zaq­stan Respýblıkasynyń Tuńǵysh Prezıdenti – Elbasy Nursultan Nazarbaevqa aıryqsha erekshelik belgisi – «Altyn Juldyz» ben «Otan» ordeni tapsyryla oty­ryp, «Halyq Qaharmany» ataǵy­nyń berilýi óte oryndy. Keıbir áriptesterim aıtqan­daı, bul memlekettik marapat birneshe jylǵa keshiktirilip berilip otyr der edim. Eger qatelespesem, Elba­synda otandyq nagradalardan tek merekelik medal ǵana bar-aý deımin. Qanshama shet memleketter óz­deriniń joǵary memlekettik nagra­dalarymen marapattap úlgerdi. De­mek, bul – olardyń bizdiń Pre­zıdentimizdiń álemdik saıası are­na­daǵy eńbegin baǵalap, halyq­ara­lyq qaýipsizdikke qosqan úlesin shynaıy moıyndaǵany degen sóz. Eger de biz Nursultan Ábish­ulyn quttyqtaıtyn bolsaq, onda eń aldymen uly jeńisterimen, tabystarymen búkil halyqty shyn júrekten quttyqtaýymyz kerek. Ǵanı QASYMOV, Parlament Senatynyń depýtaty.