Dándi daqyldar 768 myń gektar, maıly daqyldar 210 myń gektar, kartop 17,7 myń gektar kóleminde egiledi. Kókónister, baqsha daqyldarynyń kólemi 9,17 myń gektar. Egis jumystarynda sharýalarǵa 16 myń tonna kóleminde jeńildetilgen baǵamen dızel otyny berilmekshi.
Oblysta aýyl sharýashylyq jerleriniń, egistik alqaptarynyń elektrondy kartasy ázirlenýde. Agrosektor salasyn sıfrlandyrýǵa kóshirýge keıbir aýdandar áli de sylbyr. Aýyl sharýashylyǵy qurylymdaryn sýbsıdııalaýǵa 3,1 mlrd. teńge kóleminde, tuqym sharýashylyǵyn damytýǵa 360,8 mıllıon teńge qarjy qarastyrylyp otyr. Dala jumystaryna aýylsharýashylyq tehnıkalary daıyn.
Bıyl 454,1 mıllıon teńgege jańa traktorlar satyp alynypty. Kóktemgi egis naýqanyna qajetti sapaly tuqym da, ylǵal da jetkilikti. Ertis aýdanyndaǵy «Nıva» sharýashylyǵynda qazir «aqyldy tehnologııalar» júıesine kóshetin tehnıkalar jetkilikti. Jergilikti Pavlodarskaıa, Iýbıleınaıa, Ertis-7, Kondıterskaıa, Iаrovaıa sekildi bıdaı sorttary, Pavlodarskaıa, Pavlodarskaıa-4 tary sorttary shyǵymdylyǵyn óte jaqsy. Mamandar bıylǵy kóktem mol yrysqa keneltsin dep otyr.
Farıda Byqaı,
«Egemen Qazaqstan»
Pavlodar
Sýretti túsirgen Valerıı Býgaev
