Sýretterdi túsirgen avtor
-Ulttyq dostyq pen birlikti nyǵaıtý, oblystyń jastary men balalary arasyndaǵy halyqtyq bılerdi nasıhattaý bizdiń basty maqsatymyz bolyp tabylady,-dedi balet mektebiniń dırektory Kamılııa Ismaılova,-konkýrsta 32 bı túri usynyldy. Shyǵys Qazaqstan oblysynan 500 bala qatysty.
Shara balet mektebi tárbıelenýshileriniń flesh-mobynan bastaldy. Ádilqazylar alqasy quramynda joǵary deńgeıli pedagog-horeograf Tımýr Qojahmetov, qalalyq Dostyq úıiniń dırektorynyń orynbasary Bolathan Aıtmuhametov, mádenı-kópshilik bólim boıynsha bas maman Anar Qýanǵalıeva, Tatarstan Respýblıkasynyń eńbek sińirgen qaıratkeri, «Eren eńbegi úshin», «Qazaqstan halqy Assambleıasyna 20 jyl», «Qazaqstan Respýblıkasynyń táýelsizdigine 20 jyl» medalderiniń ıegeri «Daryndy balalarǵa arnalǵan Shyǵys Qazaqstan oblystyq arnaıy balet mektebiniń» dırektory, Shyǵys Qazaqstan oblystyq Tatar qoǵamdyq ortalyǵynyń tóraıymy Kamılııa Ismaılovalar boldy. Konkýrsqa 7-18 jas aralyǵyndaǵy balalar men jasósipirimder qatysty.
Uıǵyr, ózbek, qazaq, ıspan bıleri jarqyraı kórindi. №6 balabaqshadaǵy kavkazdyq jigitter tobynyń «Lezgınka» bıi tamasha bılendi. Kýrchatov qalasynyń №3 mektep ujymy oryndaǵan «Orys bıi» de tamasha boldy. Bas báıgeni osy Kýrchatov qalasynan kelgen «Fantazııa» ujymy jeńip aldy. Ádilqazylar alqasy Zınaıda Matvıenkonyń jetekshiligimen qoıylǵan bılerdi joǵary baǵalady.
Raýshan Nuǵmanbekova,
Semeı
