Qazaqstan Koreı túbegindegi jaǵdaıdy dıalog pen kelissózder arqyly retteý prosessin qoldaıdy jáne saıası-dıplomatııalyq sheshimkúrdeli halyqaralyq máselelerdi qarastyrýdaǵy jalǵyz durys amal bolyp tabylatyndyǵyna senimdi.
Qazaqstan ıadrolyq qarýsyzdandyrý tájirıbesi bar el retinde «Koreı túbeginiń beıbitshiligi, gúldenýi jáne birigýi týraly Phanmýndjom deklarasııasyn» quptaıdy jáne Koreı túbeginiń ıadrolyq qarýsyz mártebesine qol jetkizý boıynsha eki eldiń ýaǵdalastyǵyn tolyq qoldaıdy.
Osy jyldyń basynan beri eki Koreıa arasyndaǵy belsendi dıalog koreıaralyq sammıt jáne Phenıannyń ıadrolyq synaqtardan jáne zymyrandardy ushyrýdan bas tartýy sııaqty aıtarlyqtaı nátıjelerge jetkizdi.
Osy turǵyda, eń iri ıadrolyq synaq polıgonyn jabý, ıadrolyq arsenaldan bas tartý, tıisti áskerı ınfraqurylymdy joıý, IаQTSh men Iаdrolyq synaqtarǵa jappaı tyıym salý týraly shartty iske asyryp, ilgeriletýge qatysý týraly Qazaqstannyń sheshimi elimizdiń tabysty jáne turaqty damýynyń kepiline, belsendi syrtqy saıası baǵyttyń negizine jáne aımaqtyq qaýipsizdiktiń mańyzdy faktorlarynyń birine aınalýy úlgili jaǵdaı.
