Qyzyljar óńiriniń jurtshylyǵy ózgeniń ómiri úshin janqııarlyqpen kúresip, radıasııanyń zardabynan qaıtys bolǵan jerlesterimizdi eske aldy. Azaly kezeńniń qaraly kúnin kózge elestetetin memorıal aldynda bas qosyp, beıbit ómir batyrlarynyń rýhyna taǵzym etti. Gúl shoqtaryn qoıdy.
«Radıasııanyń áserinen apattyń birinshi kúninde 42 adam ajal qushty. 300 shaqyrymdyq radıýstaǵy aýmaq 400 jylǵa deıin tirshilikke jaramsyz bolyp qaldy. Qanshama adamnyń densaýlyǵyna zaqym keldi deseńshi!.Tótenshe jaǵdaıdyń oryn alýyna stansııa qyzmetkerleriniń nemquraılylyǵy sebep bolǵany endi aıtylyp jatyr», deıdi «Chernobyl odaǵy» oblystyq birlestiginiń tóraǵasy Iýrıı Loshkarev.
Atalmysh apattyń saldaryn joıý úshin óńirdenden 2000-ǵa jýyq jerlesimiz barsa, búginde 340-qa jýyǵy ǵana tiri. Solardyń biri Arǵyn Jumabekov Chernobyldegi jarylystyń zardabyn eńserýge eki ret qatysypty. Birinshi ret birjarym aıdaı bolypty. Ekinshi ret uzaq kidiripti. 10 taǵdyrlasynan qazir úsheýi ǵana bar. Densaýlyǵy qatty syr berip júr berip júrgen kórinedi.
О́mir Esqalı,
«Egemen Qazaqstan»
Soltústik Qazaqstan oblysy
