«Tize qosyp, birlese jumys isteýmizdiń arqasynda tabıǵat apatyna qarsy tura aldyq dep oılaımyn. Tótenshe jaǵdaı, «О́skemen tártip» mamandary men áskerı qyzmetkerlerden bólek qarapaıym qala turǵyndary da tasqyn kezinde beıtarap qalǵan joq. Barlyǵyna alǵys bildiremiz», - dedi О́skemen qalasynyń ákimi Qýat Tumabaev saltanatty rásimde sóılegen sózinde.
Shahar basshysy Ahmer, Sogra, Menevnoı aýyldaryn sý alǵan kezde jedeldik tanytqan 5518 áskerı bóliminiń jaýyngerlerine alǵysyn jetkizdi. Sonymen qatar Q.Tumabaev tasqynnan zardap shekken otbasylarǵa 10 tonna azyq-túlik ónimderin ákelgen «Halıfa Altaı» atyndaǵy oblystyq meshit pen gýmanıtarlyq kómek beketin ashýǵa uıytqy bolǵan «Nur Otan» partııasynyń О́skemen qalalyq fılıaly qyzmetkerlerine Alǵys hat tapsyrdy.
Azamat QASYM,
«Egemen Qazaqstan»
О́SKEMEN
