Qoǵamdyq tamaqtandyrý oryndaryn tekserip turý qajet

Alaıda turǵyndardyń qoǵam­dyq oryndardaǵy sapasyz astan ýlanýy jıi oryn alatyn­dyq­tan olardyń qyzmet sapasyn tekserýdi júıeli jolǵa qoıý azamattarymyzdyń ómiri men densaýlyǵyn saqtar edi. Paıda tabamyz degenderdiń zalaly basqalarǵa tımeýiniń joly osy sııaqty.

О́tkende ǵana Shymkentte balmuzdaqtan jappaı ýlanǵan 200-deı adam aýrýhanalarǵa tústi. Báriniń de dıagnozy ishek ınfeksııasy men tamaqtyń ý­ly ınfeksııasy ekendigi anyq­­­taldy. Balmuzdaqtyń qos­pa­lary eshqandaı ruqsat etil­megen, sanıtarlyq epıde­mıo­logııa­­lyq normalardy saq­tamaǵan úıishilik jaǵdaıda daıyndalypty.

Osy oqıǵanyń dúmpýimen basqa da azyq-túlik saýda oryndary tekserilgende qala boıynsha 57 orynda sanı­tarlyq jáne gıgıenalyq nor­malardyń buzylǵany anyq­talǵan.

Osyndaı oqıǵa Batys Qazaqstan oblysyndaǵy Aqsaı qalasynyń janyndaǵy Qyzyl­tal kentinde de boldy. Bul joly aýdandyq aýrý­hanaǵa astan ýlanǵan 22 bala birden jetkizildi. Pavlodar oblysyndaǵy Bereke aýyly­nyń mektebindegi ashana­dan da tekserýshiler kópte­gen buzý­shylyqtar tapty. Sonyń ishinde jetkizil­gen azyq-túliktiń sapasyn kórsetken eshqandaı qujattar bolmaǵan. Tipti Asta­na­nyń keıbir mektep­teri­niń ashana­laryndaǵy tamaqtyń sapasyz ekendigin ata-analar komı­tetteriniń ókilderi aıtyp, dabyl kóterdi.

Mine, osyndaı mysaldardy júzdep keltirýge bolady. Olardy joıýdyń jalǵyz joly – azyq túlik, tamaq jetkizetin, satatyn mekemelerdiń jumy­syna jiti baqylaý ornatý. Aldymyzda kóptegen merekeler kele jatyr, onyń ústine jazǵy kanıkýl kúnderi de jaqyn. Bul ýaqyttarda mektep oqýshy­lary qoǵamdyq tamaqtan­dyrý orta­lyqtaryna jıi baratyny belgili. Sondyqtan biz Premer-Mınıstrdiń orynbasary Erbolat Dosaevqa de­pý­­­tattyq saýal joldap, aza­mat­tarymyzdyń, bala­lar­dyń, sonyń ishinde mektep oqý­­shylarynyń ómiri men den­­saýlyǵyn saqtaý úshin qoǵam­dyq tamaqtandyrý oryndary jumystarynyń sapasyn qadaǵalaý sharalaryn qolǵa alýdy suradyq.

Artýr PLATONOV,

Májilis depýtaty