Otandyq ǵalymdarymyzdyń qytaı mamandarymen birlese jasaǵan «Quazar» dep atalatyn joǵary tehnologııaly elektrobýstary birinshiden, О́skemen sekildi aýasy lastanǵan qala úshin ekologııalyq turǵydan tıimdi bolsa, ekinshiden, dızelmen júretin qarapaıym avtobýstarmen salystyrǵanda birneshe ese únemdi deıdi mamandar. Fırma ókilderiniń aıtýynsha, qazir kúndelikti qoldanyp júrgen avtobýstar kúnine 250 shaqyrymǵa 125 lıtr otyn jaqsa, elektrobýstar bir aýysymda 189 kVt energııa jumsaıdy. Aıtpaqshy, О́skemenge «jersindirilip» jatqan elektrobýs 1 mamyr kúni oblys ákimi Danıal Ahmetovke tanystyryldy. «Bul kólikterdi áli satyp alǵan joqpyz. О́ńir joldarynda ózin qalaı kórsetedi, múmkindigi qandaı, osyny naqtylaý úshin №44 baǵyttaǵy avtobýstyń baǵdaryna jiberdik», - deıdi aımaq basshysy.
Oblys ákiminiń baspasóz qyzmetiniń taratqan málimetterine súıensek, búginde óńirde qoǵamdyq kólikterdi jańartý jumystary qarqyndy júrgizilýde. Máselen, jaqynda Semeıde 15 jańa avtobýs iske qosylypty.
Azamat QASYM,
«Egemen Qazaqstan»
О́SKEMEN
