Búgingi kúni jeńisti jaqyndatqan jaýyngerler qatary seldirep barady. Mıllıonǵa jýyq turǵyny bar Aqtóbe oblysynda qazirgi kezde 63 Uly otan soǵysynyń ardageri men múgedegi turady. Jeńistiń 73 jyldyǵy qarsańynda Aqtóbe oblysyyń ákimdigi men máslıhatynyń ortaq sheshimine sáıkes olardyń árqaısysyna 300 myń tenge kóleminde materıaldyq kómek berildi. Sondaı-aq soǵysqa qatysýshylarmen teńestirilgen tulǵalarǵa jáne tyl ardagerlerine de qarjylyq turǵydan tıisti qoldaý sharalary kórsetildi.
О́ńirde mundaı arnaıy topqa engizilgen aǵa býyn ókilderiniń jalpy sany 8000-ǵa jýyq ekenin eskersek, qolǵa alynǵan sharalardyń qomaqtylyǵy men aýqymdylyǵy aıqyndala túsedi. Sonymen birge osyndan 73 jyl buryn soǵys órti sharpyǵan Eýropa elderinen, sonyń ishinen Germanııadan jeńispen oralǵan maıdangerlerdiń búgingi kózi tiri jesirleri de jergilikti atqarýshy bılik ókilderi nazarynan tys qalǵan joq. Olarǵa da belgili ber mólsherde syıaqy taǵaıyndaldy.
Tutastaı alǵanda jeńiske óz úlesterin qosqan aqtóbelik aǵa urpaq ókilderine oblys bıýdjetinen 180 mıllıon 600 myń tenge qarajat bólindi.
Temir Qusaıyn,
«Egemen Qazaqstan»
