QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti men oblystyq densaýlyq saqtaý basqarmasynyń ózara kelisimi negizinde memlekettik qyzmetshilerdi áleýmettik qorǵaý máselesi jolǵa qoıyldy. Olarǵa ortalyqtandyrylǵan medısınalyq qyzmet kórsetiletin boldy.
Oblysymyzǵa issaparmen kelgen Agenttik qyzmetkerleri R.Tıýlebaev, A.Qozbaǵarovtar men «Arnaıy monıtorıng tobynyń» músheleri Z.Battalova, N.Baımýrzaev, Y.Tursynzada Aqtaý qalasyndaǵy «Neıron» emhanasynda bolyp, budan bylaı memlekettik qyzmetshilerge sapaly qyzmet kórsetýge ázir turǵan zamanaýı medısınalyq qural-jabdyqtarmen qamtamasyz etilgen emhana jumysymen tanysty.
QR Memlekettik qyzmet isteri jáne sybaılas jemqorlyqqa qarsy is-qımyl agenttigi memlekettik qyzmetshilerdiń áleýmettik jaǵynan qorǵalýyna erekshe kóńil bólip keledi. Olardyń baspanamen qamtamasyz etilýi, kóp balaly otbasylarǵa jazǵy demalys lagerlerine joldama berý jaıy bolashaqta kezeń-kezeńimen sheshimin tappaq. Memlekettik qyzmetshilerdiń ónimdi qyzmet etýi úshin olardyń densaýlyǵynyń mańyzy zor. Búgingi tańda memlekettik qyzmetshilerdiń sport keshenderine aqysyz barý máselesi qaralýda.
Bul bastamalardyń barlyǵy Elbasy N.Nazarbaevtyń damyǵan 30 eldiń qataryna ený tapsyrmasyna jáne «100 naqty qadam» Ult Josparyna sáıkes «Kásibı memlekettik apparat qalyptastyrý» sharalary aıasynda júzege asyrylyp jatyr.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
