Merekelik is-sharalar barlyq aýdanda ózindik erekshelikterimen ótkizildi. Mysaly, búginde 5 ulttyq etno-mádenı ortalyqtar jumys isteıtin jáne 30-dan astam ult pen ulystar yntymaq birlikte ǵumyr keship jatqan Maqtaral aýdanyna kórshi О́zbekstan eliniń Syrdarııa oblysynan qonaqtar arnaıy keldi. Merekelik sharada sóz alǵan delegasııa jetekshisi Elbasy N.Nazarbaevtyń bıyl «Qazaqstandaǵy О́zbekstan jyly» dep ataýy — eki týysqan eldiń arasyn budan da jaqyndastyryp, kórshi elderdiń alys-berisin arttyryp jatqanyn atap ótti. Qonaqjaı qazaq halqyna, jyly lebizben qarsy alǵan Maqtaral aýdany ákimine alǵystaryn bildirdi.
Al Shardara aýdanynda «Tuńǵysh Prezıdent» saıabaǵynda bilim oshaqtary ár ulttyń tynys-tirshiliginen syr shertetin kórmeler uıymdastyrdy, balabaqsha ujymdary elimizdi mekendeıtin etnos ókilderiniń ulttyq taǵamdaryn usyndy. «Alty alash» alańynda «Halyqtar dostyǵy» sherýi ótkizildi. Shardara aýdanynda negizinen Qyzylqum óńirin ıgerýge burynǵy keńes odaǵynyń túkpir-túkpirinen kelip, búginde baıyrǵy turǵynyna aınalǵan 22 ulttyń ókilderi turady.
Oblys ortalyǵy Shymkenttegi merekelik sharanyń shymyldyǵy «Ashyq El» atty teatrlandyrylǵan mýzykalyq qoıylymymen túrildi. Ońtústik jurtyn aıtýly merekemen quttyqtaǵan oblys ákimi J.Túımebaev Qazaqstan halqynyń birligi kúni merekesi - búgingi tańda beıbit ómir men yntymaqta turmys keship otyrǵan el turǵyndary úshin ystyq yqylas pen dostyq nıettiń dástúri, asyǵa kúter meıramy ekenin atap ótti. «Elbasymyz N..Nazarbaevtyń salıqaly saıasatynyń arqasynda el aýmaǵynda júzden astam etnos ókilderi tatý-tátti ómir súrýde. Osynyń nátıjesinde Qazaqstan yntymaǵy jarasqan, yrysy artqan elge aınaldy. Memleketimizdiń basty baılyǵy – qoǵamdaǵy kelisim men tatýlyqty saqtaý isine árbirimiz jaýaptymyz», - dedi Janseıit Qanseıituly.
Sondaı-aq, oblys basshysy óńirdegi etno-mádenı ortalyq ókilderine «Baýyrmal» syılyǵyn tapsyrdy. Merekelik shara «Kóńildi dastarhan» - vokaldy horeografııalyq kompozısııamen jáne «Álem yrǵaǵy» atty túrli ult aspaptardyń oryndaýynda mýzykalyq qoıylymmen jalǵasty. Kópshilik mádenıet ortalyqtary daıyndaǵan kórmeni tamashalady. Qazaq estrada juldyzdarynyń konserti ótip, mereke sońy otshashýǵa ulasty.
Erkin DOSYMBAI,
Ońtústik Qazaqstan oblysy
