Qaraǵandyda «MB Úzdik pedagog-2018» oblystyq kásibı baıqaýynyń fınaly ótti

Baıqaý barysynda oblys pedagogtary mektep jasyna deıingi pedagog mamandyǵynyń mártebesin kóterý, oblys pedagogtarynyń shyǵarmashylyq qyzmetin jandandyrý, pedagogıkalyq ujymdarda shyǵarmashylyq qarym-qatynastaǵy ahýaldy qa­lyptastyrý, talanttardy, shyǵarmashylyqpen ju­mys isteıtin pedagogtardy tabý, olardyń tájirı­belerin jınaqtaý jáne nasıhattaý syndy tapsyrma­lar boıynsha synǵa tústi.

Konkýrstyń syrttaı ótken alǵashqy týryna mektepke deıingi bilim berý uıymdarynan 26 úzdik pedagog qatysty. Olardyń arasynda 16 tár­­bıeshi, 4 pedagog-psıholog, 2 dene tárbıesi boıynsha nusqaýshy jáne 4 mýzykalyq jetekshi boldy.

Báıgeniń ekinshi kezeńindegi syn bir taqyrypqa biriktirilgen eki sharadan turdy (tusaýkeser rásimi, sheberlik sabaǵy). Barlyq pedagogtar ózderiniń sheber­likterin, jumys tájirıbesin, sheshendik qabi­letterin, áriptesterimen qarym-qatynastaǵy til tap­qysh minezderin kórsetip, sheberlik sabaqtaryn ót­kizdi.

Qazylar múshesi konkýrsanttardyń ádis­temelik jáne qatysymdyq biliktiligin, jeke bas qasıetterin, erýdısııalaryn erekshe atap ótti. Qorytyndy shyǵararda qazylar alqasy úmitkerlerdiń oı tereńdigine, erekshe baıandaý sheberlikterine jáne kásibılikterine basa mán berdi.

Baıqaýdyń aty – baıqaý, ár konkýrstyń kósh­bas­taýshylary bolady.

«Eń úzdik tárbıeshi-2018» atalymy:

1-oryn – Oksana Vladımırovna Shaı, «Balǵyn» sábıler balabaqshasy, Saran qalasy;

2-oryn – Inna Vasılevna Klıýchnık, «Bóbek» balabaqshasy, Abaı aýdany;

2-oryn – Iýlııa Anatolevna Gabaıdýllına, «Qarlyǵash» sábıler balabaqshasy, Shahtınsk qa­lasy;

2-oryn – Svetlana Aleksandrovna Danıbekova, «Berezka» sábıler balabaqshasy, Shahtınsk qala­sy;

3-oryn – Svetlana Vıktorovna Jıtıneva, «Sne­gýrochka» sábıler balabaqshasy, Shahtınsk qalasy;

3-oryn – Gúljazıra Mamaıqyzy Shoqýbaeva, «Balbóbek» sábıler balabaqshasy, Abaı aýdany;

3-oryn – Raýan Erlanqyzy Erjanova, «Baldyr­ǵan» balabaqshasy, Aqtoǵaı aýdany.

«Eń úzdik pedagog-psıholog-2018» atalymy:

1-oryn – Tatıana Anatolevna Maksıatkına, «Sne­gýrochka» sábıler balabaqshasy, Shahtınsk qalasy;

2-oryn – Olga Aleksandrovna Kım, «Berezka» sábıler balabaqshasy, Shahtınsk qalasy;

3-oryn – Tanzılıa Mýllanýrovna Akbasheva, «Saltanat» sábıler balabaqshasy, Shahtınsk qalasy.

«Eń úzdik dene tárbıesi nusqaýshysy-2018», «Eń úzdik mýzykalyq jetekshi-2018» atalymdary:

1-oryn – Dıana Vıtalevna Kýznesova, «Balbóbek» sábıler bala baqshasy, Abaı aýdany;

2-oryn – Irına Petrovna Baıdarova, «Kolo­kolchık» sábıler balabaqshasy, Saran qalasy;

2-oryn – Tatıana Vladımırovna Mozer, «Al­magúl» balabaqshasy, Qaraǵandy qalasy;

3-oryn – Alena Sergeevna Chernova, «Saltanat» sábı­ler balabaqshasy. Shahtınsk qalasy.

«MB Eń úzdik pedagog-2018» konkýrsy fınalyna qatysýshylardyń  barlyǵyna sertıfıkattar tabys etildi.

Qaırat ÁBILDA,

«Egemen Qazaqstan»

QARAǴANDY