Kórmeniń ashylý saltanatynda Birikken Arab Ámirlikteri Syrtqy ister mınıstri Sheıh Abdýlla ben Zaıd al-Nahaıan sóz sóılep, sharanyń halyqaralyq mańyzdylyǵyn atap ótti.
Qazaqstandyq baspagerlerdiń kóptegen shetelderdiń kitap salasy kásipqoılary jınalǵan alańda bas qosýyna Qazaqstannyń Birkken Arab Ámirlikterindegi Tótenshe jáne ókiletti elshisi Qaırat Lama Shárip myrzanyń tıgizgen qolǵabysy zor. О́ıtkeni baspagerlerimiz úshin bul mol tájirıbe jınaqtaýǵa múmkindik beretin kásibı alań bolyp tabylady.
Qazaqstandyq delegasııa quramynda «Dáýir» RPBK bas dırektory S.Nazarbaeva, kommersııalyq dırektory B.Rakısheva, Ulttyq kitaphanany Syrtqy baılanystar jáne frandraızıng tobynyń jetekshisi, BPKA Jobalar boıynsha dırektory B.Qablash, «Qazaq ensıklopedııasynyń» dırektory J.Toıbaı, aýdarmashy P.Qaırat, «By production» dırektory M.Sádýaqasova, t.b. baspagerler qatysty. Qazaqstan stendinde 200-ge jýyq basylym kórme qatysýshylarynyń nazaryna usynyldy. Onda kórkem ádebıettermen qatar balalarǵa arnalǵan kitaptar, oqýlyqtar, qujattamalyq-derekti basylymdar bar.
Elvıra SERIKQYZY,
«Egemen Qazaqstan»
ALMATY
