Dırektordyń aqparatynsha, qoldaý kórsetýde negizgi máseleniń biri – otandyq taýar óndirýshilerdi qoldaý: ákimdik qaýlysymen Jergilikti qamtý úlesin baqylaý komıssııasy quryldy. 2017 jyldyń qortyndysy boıynsha 5,7 mlrd. teńge kólemindegi ımporttyq taýar qoldanǵan 12 ereje buzýshylyq anyqtaldy. Búginde Palata saıtynda memlekettik satyp alýlar men «Samuryq Qazyna Kontrakt» AQ satyp alýlarynyń jyldyq jospary salynǵan.
Qalada 3970 kásiporyn óńdeý ónerkásibimen aınalysady. Kásipkerler palatasy onyń ishinde 7 sala boıynsha 232 kásiporynǵa tólqujattaý júrgizdi. Onyń qorytyndysy boıynsha túıtkildi máseleler men usynystar daıyndaý saraptalady. Monıtorıngte anyqtalǵan ózekti máseleler: 98 kompanııaǵa aınaldyratyn qarajat jetpeıdi (42%), 58 kompanııada ónimdi ótkizý naryǵy joq (25%), 22 kompanııada shıkizat az (9,5%) jáne 3 kompanııada bilikti maman tapshy (1,3%). Tólqujattalǵan kásiporyndardyń ortasha aýyrtpalyǵy – 54%.
Kásiporyndarǵa júrgizilgen monıtorıng ımportty almastyrýǵa jatatyn taýarlardy belgileýge múmkindik berdi. Oǵan 300-den astam taýar túri endi. Almatyda taýar ımporty 7,3 mlrd AQSh dollaryn quraıdy. Oǵan avtokólik maıy, dárilik zattar, telefon apparattary, kompıýterlik tehnıka, túrli sorǵyshtar, jıhazdyq fýrnıtýra jatady. Bul baǵytta Palatanyń áreketi – ótkizý naryǵyn izdeýge kómek kórsetý, kásipkerlerge syrtqy jáne ishki naryqta qoldaý kórsetý.
Pasporttaý qorytyndysy boıynsha 58 kásiporynǵa ónim ótkizýde kómektesý, onyń ishinde 29 kompanııaǵa eksportqa shyǵýǵa járdemdesý josparlanǵan. Bul jospar boıynsha ónim 21 paıyzǵa artady, - dep sózin qorytyndylady Baǵdat Ǵazızuly.
Aınash ESALI,
«Egemen Qazaqstan».
ALMATY
