Jarysta aýdandyq jarystardan iriktelgen úzdik 16 palýan ózara myqtyny anyqtaıdy.
«Bıylǵy Atyraý barysy týrnıri ózgeshe, jańashyl formatta ótedi. Biz sporttyq keshenderdiń ishinde ótetin jarystardy, ásirese beldesý túrlerin kóp kóretinbiz. Bul joly ulttyq sportymyzdy ulttyq naqyshta, ashyq aspan aıasynda erekshe etip uıymdastyrýdy qolǵa alyp otyrmyz», - deıdi Atyraý oblysy dene shynyqtyrý jáne sport basqarmasynyń basshysy Azamat Beket.
Jarys búgin, ıaǵnı 5 mamyr kúni saǵat 18:00-de bastalady.
Týrnırdiń jeńimpazdary men júldegerleri belbeý jáne baǵaly syılyqtarmen marapattalady. Jarystyń chempıony atanyp «Atyraý Barysy-2018» belbeýine ıe bolǵan palýan jáne ekinshi oryn alǵan sportshylar respýblıkalyq «Kazaqstan Barysy-2018» týrnırine joldama alady.
Aıta ketý kerek, «Qazaqstan barysy» jobasy bastalǵaly beri Atyraýlyq balýandardan eń úzdik nátıjeni «Jas qyran» atty laqap atymen tanymal Arman Qalıev kórsetken bolatyn. Ol byltyrǵy básekede úzdik tórttikti túıindedi.
