Aımaq qolaıly, árıne, alaıda aldymen ınfraqurylym men qonaqtarǵa sapaly qyzmet kórsetý deńgeıin jaqsartý qajet. Bul oraıda, ilgeride áýejaı salyp, shaǵyn ushaqtardy qatynasqa qoıý jóninde usynys ta aıtylǵan bolatyn.
Búginde aýdan ákimdigi naqty júzege asyrylýy tıis jumystardy qolǵa alypty. OQO óńirlik kommýnıkasııalar qyzmetinde ótken brıfıngte Shardara aýdanynyń ákimi Bolatbek Qystaýov aldaǵy ýaqytta 255 gektar aýmaqta 60 nysannyń qurylysy júrgiziletinin málimdedi. Atap aıtqanda, qonaq úıler, ıaht klýb, meıramhanalar, ańshylar jáne balyqshylar úıi, akvapark syndy ǵımarattar boı kóteredi. Aýdan basshysynyń aıtýynsha, týrıstik aýmaqqa tartylatyn ınvestısııa kólemi - 6,7 mlrd. teńge.
Jobaǵa qyzyǵýshylyq tanytqan ınvestorlar da bar. Joǵaryda atalǵan josparlar iske asqan jaǵdaıda 1000-nan astam jańa jumys orny ashylyp, birneshe nysan boı kóteredi. Osyndaı maqsatty jumystar nátıjesinde óńirge kelýshi týrısterdiń sany 45 myńnan asady dep josparlanýda.
Erkin DOSYMBAI,
Ońtústik Qazaqstan oblysy
