Bıyl, «MEN QAZAQPYN» jobasyna elimizdiń 14 aımaǵynan, 180-ge jýyq aýdan ortalyqtary men aýyldarynda irikteý kezeńderi ótetin bolady. Aýdandyq irikteýden ótken jeńimpazdar, oblystyq baıqaýǵa ótip, baq synasady. Ulttyq arnanyń aýqymdy jobasyna korporasııanyń aımaqtardaǵy barlyq fılıaldary belsene atsalysýda. Alǵashqy irikteý kezeńderi Áýlıekól, Altynsarın eldimekenderi men Qostanaı qalasynda ótti.
Jobanyń maqsaty – elimizdiń túkpir-túkpirindegi dástúrli ánshi-termeshi, kúıshilerdiń basyn bir arnada toǵystyryp, elimizdiń ár aımaǵynda qalyptasqan óner mektepteriniń tańdaýly týyndylaryn dáripteý, tól ónerimiz - kúı, jyr-termeni damytyp, zamanǵa saı jańashalandyryp, óskeleń urpaqqa nasıhattaý.
Bıyl «MEN QAZAQPYN» megajobasynyń irikteý kezeńi maýsym aıynyń sońyna deıin ótetin bolady. Baıqaýǵa Qazaqstan Respýblıkasynda turatyn 18 ben 40 jas aralyǵyndaǵy, qazaq kompozıtorlarynyń jáne halyq ánderin dombyra, qobyz, syrnaı aspaptarynyń súıemeldeýinde oryndaıtyn ónerpazdar qatysa alady. Baıqaýǵa qatysqysy keletin úmitkerler «Qazaqstan» teleradıokorporasııasynyń aımaqtardaǵy fılıaldaryna habarlasyp, tolyq málimet ala alady.
Aıta keteıik, Qazaqstan Respýblıkasynyń aqparat jáne kommýnıkasııa mınıstriliginiń qoldaýymen «Qazaqstan» RTRK» AQ birlesip, 2017 jyly «Men qazaqpyn» atty halyqaralyq televızııalyq megajobasyn alǵash ret júzege asyrǵan bolatyn. О́tken jyly, bul jobaǵa 3000-nan astam úmitker ótinish bildirip, oblystyq irikteýge 700-deı adam qatysqan bolatyn. Al, Astanada ótken televızııalyq jobaǵa 57 ónerpaz baq synasyp, óz ónerlerin kórsete aldy. Sondaı-aq, «Men qazaqpyn» mega jobasyna Qytaı, Reseı, Mońǵolııa elderinde turatyn qandastarymyz da óz ónerlerin kórsetýige múmkindik alǵan bolatyn.
