Energetıka mınıstri Qanat Bozymbaev kúzgi-qysqy kezeń turaqty ótkenin atap ótti. Qysqy eń joǵary qýat kórsetkishi 28 qańtarda belgilendi jáne 14 615 MVt-ty qurady, bul 2017 jylǵy deńgeıden shamamen 4,5% artyq.
Energııa kásiporyndarynyń negizgi jabdyqtarynda josparlanǵan jóndeýler tolyq kólemde oryndaldy. Elektr stansalary boıynsha 10 energııa blogy, 59 qazan jáne 39 týrbına jóndeldi. Sondaı-aq, 638 ortalyqtandyrylǵan qazandyq, 24,3 myń shaqyrym elektr berý jelileriniń jóndeý jumystary júrgizildi.
О́tken kúzgi-qysqy kezeńde elektr stansalarynda jáne elektr jelilerinde ótken kezeńmen salystyrǵanda tehnologııalyq buzylýlardyń sany 12% tómendedi.
«Energııa júıesinde ótken jylytý maýsymynda iri tehnologııalyq buzýshylyqtarǵa jol berilmedi. Jylytý maýsymynda elektr stansalarynda elektr generasııasynyń tolyq tómendeýiniń 26 jaǵdaıy belgilendi, bul ótken jylǵy deńgeıden 26% az», — dedi energetıka mınıstri.
Qańtardyń eki aptasynda, eń tómengi syrtqy aýa temperatýrasy -45 ºC, al elimizdiń ońtústik óńirlerinde -40 ºC-ge deıin bolyp, 2012 jylǵy tirkelgen mınımýmnan 2 ºC-qa tómen bolǵan kezde, energetıkalyq kásiporyndar tutynýshylardy turaqty elektrmen qamtamasyz etti.
О́tken jylytý maýsymynda jalpy alǵanda energııa kózderinde paıdalanylatyn otyn qorynyń qajetti mólsheri qamtamasyz etildi. Operatıvtik shtab kómirdi energııa kózderine jetkizý jaǵdaıyn turaqtandyrý jumysyn oryndady.
Q. Bozymbaev Úkimet qorynan 2017–2018 jyldardaǵy jylytý maýsymyna otyndy satyp alý úshin Qostanaı, Shyǵys Qazaqstan, Jambyl oblystarynyń energııa kózderine 1178, 7 mln teńge qarajat bólindi.
Bıylǵy qańtar aıynda aýa-raıy jaǵdaıynyń nasharlaýyna baılanysty óndirý jáne tıeý jumystarynyń shektelýine qaramastan, kómir óndirý kásiporyndary osy jyldyń tórt aıynda 36 mln tonna kómir óndirdi.
Sonymen birge, Q. Bozymbaev aldaǵy kúzgi-qysqy kezeńge daıyndyq jumystary bekitilgen kestege sáıkes júrgizilip jatqanyn atap ótti.
Energetıka mınıstrligi Úkimettiń ókimine sáıkes energetıka kásiporyndaryndaǵy jóndeý jumystarynyń monıtorıngin uıymdastyrdy jáne aıyna eki ret alynǵan aqparatty Úkimetke jiberedi.
Birtutas elektr energetıkalyq júıesindegi elektr stansalarynyń negizgi jabdyqtaryn jóndeý kestesine sáıkes bıyl 8 energııa blogyn, 56 qazandy, 45 týrbınany jóndeý josparlanǵan. Mamyrdyń birinshi onkúndigine 2 energııa blogynyń, 4 qazannyń jáne 4 týrbınanyń jóndeý jumystary aıaqtaldy. Jóndeý jumystary 2 energııa blogynda, 17 qazanda jáne 8 týrbınada júrgizilýde. Jalpy, jóndeý jumystary kestege sáıkes júrgizilýde.
Mınıstrlik ortalyq jáne jergilikti atqarýshy organdarmen birlesip, energııa kásiporyndarynyń aldaǵy jylytý maýsymyn ótkizýge daıyndyq jumystaryn júrgizetin bolady.
О́z kezeginde, ınvestısııalar jáne damý mınıstri Jeńis Qasymbek jalpy 2017/2018 jyldardaǵy jylytý maýsymy respýblıka boıynsha turaqty rejımde ótkenin aıtty. QR IDM jylytý maýsymynyń ótý barysyna avtonomdyq qazandyqtardyń, jylýmen jabdyqtaý, sýmen jabdyqtaý jáne sý burý jelileriniń jumysyndaǵy tehnologııalyq aqaýlar bóligine monıtorıng júrgizdi. Ákimdikter tehnologııalyq buzýshylyqtardy qysqa merzim ishinde sheship otyrdy.
Sondaı-aq, J. Qasymbektiń aıtýynsha, jylytý maýsymynyń basynda tutynýshylardyń kommýnaldyq qyzmetter úshin debıtorlyq bereshegi 14,5 mlrd teńgeni quraǵan. Bıyl sáýir aıyndaǵy jaǵdaı boıynsha bereshek 1,3 mlrd teńgege azaıǵan.
Aldaǵy 2018/2019 jyldary jylytý maýsymyna ýaqytyly ári sapaly daıyndalý maqsatynda QR IDM jylytý maýsymyna daıyndyq jónindegi jumys Josparyn bekitti.
«Josparǵa sáıkes oblystardyń, Astana jáne Almaty qalalarynyń ákimdikterine: 2018 jyldyń 1 qyrkúıegine deıin bilim berý nysandarynyń 100% daıyndyǵyn, 15 qazanǵa deıin barlyq kommýnaldyq sharýashylyq, áleýmettik sala nysandarynyń, turǵyn úılerdiń daıyndyǵyn aıaqtap, avtonomdyq qazandyqtardy otynnyń normatıvtik qorymen qamtamasyz etý qajet», — dedi J. Qasymbek.
Qazirgi tańda jospar ákimdikterge jetkizilip, ony júzege asyrý boıynsha jumystar júrgizilip jatyr.
О́ńirlerde jylytý maýsymyna daıyndyq boıynsha qabyldanyp jatqan sharalar týraly Aqmola oblysynyń ákimi M. Myrzalın, Qaraǵandy oblysynyń ákimi E. Qoshanov, Pavlodar oblysynyń ákimi B. Baqaýov, Astana qalasynyń ákimi Á. Isekeshev baıandady.
Máseleni qaraý qorytyndysy boıynsha QR Premer-Mınıstri Baqytjan Saǵyntaev jalpy jylý berý maýsymy turaqty ótkenin aıtyp, ortalyq jáne jergilikti atqarýshy organdarǵa aldaǵy kúzgi-qysqy kezeńge daıyndyq boıynsha birqatar naqty tapsyrmalar berdi.
Energetıka, ınvestısııalar jáne damý mınıstrlikterine jylý berý maýsymyna daıyndyq jónindegi is-sharalardyń oryndalý barysyna monıtorıng júrgizý tapsyryldy. О́ńir ákimderine barlyq jylytý jáne elektrmen jabdyqtaý, kommýnaldyq sektor jáne áleýmettik sektor nysandarynyń josparly jóndeý jumystarynyń oryndalýyn qamtamasyz etý tapsyryldy.
Premer-Mınıstr ótken jyly keıbir óńirlerde kómir tapshylyǵy men kómir baǵasynyń qymbattaýy oryn alǵan qolaısyz jaǵdaıdyń qaıtalanbaýyn tapsyrdy. Ákimderge Energetıka mınıstrligimen birlesip, kómir tapshylyǵyn boldyrmaý maqsatynda jylý berý maýsymy bastalar ýaqytqa qaraı kommýnaldyq-turmystyq qajettilikter úshin tıisti otyn qoryn qamtamasyz etý tapsyryldy.
Monopolııaǵa qarsy komıtetke kómir baǵasynyń negizsiz ósýi jáne yqtımal alyp-satarlyq elementterin shekteý tapsyryldy.
Baqylaý jumystary QR Premer-Mınıstriniń birinshi orynbasary A. Mamınge júkteldi.
