Bul suraq Eýrazııa medıa forýmynda talqylanady. Jıynǵa qatysatyn spıkerler: QR-nyń Syrtqy ister mınıstri Kaırat Ábdirahmanov, Italııanyń burynǵy premer-mınıstri Matteo Rensı, BUU-nyń Jenevadaǵy bóliminiń meńgerýshisi Davıd Chıkvaıdze, AQSh-tyń (2011-2014) Qytaıdaǵy elshisi Gerı Lok.
Sessııa moderatory «Pýlıtser» syılyǵynyń ıegeri, «Nıý-Iork Taıms» gazetiniń kolýmnısti Nıkolas Krıstof bolady.
BAQ bolǵan jerde sary basylymdar men burmalanǵan jańalyqtar, arandatýshylar men jalǵan aqparattardyń bolýy zańdylyq. Sondaı-aq, jalǵan aqparatty qoldan jasaıtyn múddeli toptardyń da bar ekenin eskerý qajet. Aqparattyq tehnologııa damyǵan zamanda feık-jańalyqtar jasaý, ony áleýmettik jeliler arqyly taratý tipti ońaı. Osyndaı áreketterdiń qoǵamǵa keri áserin tıgizetini belgili. Aldyn alý joldary qandaı? Bul týraly EQYU-nyń BAQ bostandyǵy jónindegi ókili Arlem Dezır, «New Day Strategy» kompanııasynyń basshysy, saıası strateg Rodjer Fısk, jýrnalıst, saıasatker, quqyq qorǵaýshy Andreı Býzarov , Zaborona.com jobasynyń negizin qalaýshy, telejýrnalıst Katerına Sergaskova, «Hashtag our stories» negizin qalaýshy Iýsýf Omar syndy saıasatkerler men jýrnalıster sóz qozǵaıtyn bolady.
Sonymen qatar, Eýropalyq Odaq eýropalyq turaqtylyq pen órkendeýdiń irgetasy bolyp sanalady. Alaıda, sońǵy jyldardaǵy saıası qıyndyqtar men álemdik oqıǵalar Eýroodaqty aınalyp ótpegeni ras. Osyndaı qıynshylyqtarda Eýroodaqtyń atqarar róli qandaı? Bolashaǵy men múmkindigi qandaı? Bul problemalar medıanaryqta qalaı talqylanyp jatyr? Osy taqyryp tóńireginde oı bóliser spıkerler qatarynda Ulybrıtanııanyń Syrtqy ister mınıstrliginiń baspasóz hatshysy Saımon Makgı, Italııa parlamentiniń múshesi, saıası qaıratker jýrnalıst Debora Bergamını jáne taǵy basqa aıtýly álem saıasatkerleri bar. Shara moderatory: jazýshy, telejúrgizýshi, BBC Europe arnasynyń redaktory Gevın Hıýıtt.
Osy jáne ózge de ózekti taqyryptar Forýmnyń ekinshi kúninde talqylanatyn bolady. Forým ústimizdegi jyldyń 22-24 mamyr kúnderi Almaty qalasyndaǵy The Ritz Carlton otelinde ótedi.
XV Eýrazııalyq Medıa Forýmǵa tirkelý 16-mamyrǵa deıin jalǵasady. Tirkeý úshin http://eamedia.org/ru/ siltemesine ótýge bolady. Oryn sanaýly.
Jalpy, úsh kúndi qamtıtyn sharaǵa 500-den astam otandyq jáne álemdik tanymal spıkerler, saıasattanýshylar men qoǵam qaıratkerleri qatysyp, medıa salasynyń ózekti máseleleri qozǵalady.
