Oblys qalalary men aýdandary ákimderiniń selektorlyq májilisinde óńirdi damytýdyń 110 kórsetkishiniń 82-si bazalyq bolyp sanalatyn, onyń 71-i tabysty oryndalǵany, qalǵan 11 – ekonomıka men áleýmettik salalarda kúrdeli problemalar bar ekendigin kórsetkeni aıtyldy. О́ńdeý ónerkásibinde, shaǵyn jáne orta bızneste kórsetkish kóńildegideı bolmaǵan. О́ńdeý ónerkásibindegi tómen kórsetkishke «AgromashHoldıng» zaýytyndaǵy aýyl sharýashylyǵy kombaındaryn shyǵarý men "EvrazKaspıanStal zaýytyndaǵy bolattan quıylatyn temir shybyqtar men symdardy óndirýdiń tómendeýi áser etken. Negizgi ınvestısııalardyń baǵyttalýyna qaramaı aýyl sharýashylyǵynda da ındıkator 1,2 paıyzǵa oryndalmaı qaldy. Mal sharýashylyǵynda ýaq mal sanynyń azaıǵany aıtyldy. Sonymen qatar, oblysta apat jaǵdaıynda jumys istep turǵan úsh mekteptiń, Qostanaı qalasynda áli de balalar úsh aýysymda oqıtyn mektepterdiń barlyǵyna baılanysty bilim salasy da mejege jete almady. Al densaýlyq saqtaý salasynda ana men bala óliminiń toqtamaı otyrǵany áleýmetttik saladaǵy problemalardan habar berdi.
Aýdandar arasynan Qamysty men Uzynkól aýdanyndarynda tapsyrmalardyń oryndalý kórsetkishi 90 paıyzdy qurap, kósh bastady. Amangeldi, Áýlıekól, Denısov, Jitiqara, Qamysty, Qarasý, Mendykara, Sarykól, Fedorov aýdandarynda salalar boıynsha kórsetkishter tómen boldy. Naýyrzym aýdanynda óńdeý kásiporyndary joqtyń qasy. Oblys ákimi Arhımed Muhambetov aýdan, qala basshylaryna kemshilikterdi joıýdy tapsyrdy.
Názıra JÁRIMBET,
«Egemen Qazaqstan»
Qostanaı
