Qazaqstan • 16 Mamyr, 2018

Qupııa aqparatty saqtaý mańyzdy

1262 ret

kórsetildi

1 mın

oqý úshin

Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «2004 jylǵy 18 maýsymdaǵy Ujymdyq qaýipsizdik týraly shart uıymy sheńberinde qupııa aqparattyń saqtalýyn ózara qamtamasyz etý týraly kelisimge ózgerister engizý týraly hattamany ratıfıkasııalaý týraly» zań jobasy qaraldy, dep habarlady Senattyń baspasóz qyzmeti.

Egemen Qazaqstan

Hattama 2012 jylǵy 19 jeltoqsanda Máskeýde jasalǵan bolatyn. Qujattyń negizgi maqsaty Ujymdyq qaýipsizdik týraly shart uıymyna múshe memleketterdiń qupııa aqparattyń qorǵalýyn qamtamasyz etý tártibin aıqyndaý bolyp tabylady.

Hattamamen engizilgen ózgerister Kelisimge qosylý múmkindigin usynýdy jáne barlyq halyqaralyq quqyq sýbektileriniń onyń tetikterine qatysýyn, Kelisimdi iske asyrý tetiginiń negizgi býyny bolyp tabylatyn ýákiletti organdardyń quramyn naqtylaýdy, qupııa aqparattyń taralýyna jol bergen tulǵaǵa qatysty zań quzyretin naqtylaýdy, sondaı-aq naqtylaıtyn jáne redaksııalyq sıpattaǵy túzetýlerdi kózdeıdi. Osylaısha Hattamada kózdelgen barlyq erejeler qupııa aqparattyń qorǵalýyn qamtamasyz etýdi aıqyndaýǵa baǵyttalǵan.

Zań jobasy palatanyń qaraýyna jiberildi.