Osy festıval sheńberinde Mádenıet jáne sport mınıstrligi uıymdastyrǵan «Rýhanı qazyna» baıqaýynyń qorytyndysynda О́skemendegi A.Pýshkın atyndaǵy oblystyq kitaphana respýblıkamyzdaǵy oblystyq mańyzy bar úzdik memlekettik kitaphana dep tanylyp, arnaıy dıplommen birge 1 000 000 teńge júldeni ıelendi.
Oblys ortalyǵyndaǵy bul kitaphanada oqyrmandarǵa ǵana emes, qalanyń kez kelgen turǵynyna qosymsha bilim alýǵa, til úırenýge, jańa tehnologııalardy meńgerýge barlyq jaǵdaı jasalǵan. Tipti bir mezet boı jazyp, sportpen de shuǵyldanýǵa bolady. «Biz ózgerispen birge júrýimiz kerek. Ýaqyttan qalmaýymyz qajet. Kitaphana kishkene balalardan bastap qarııalarǵa deıin qyzmet kórsetýi tıis. Bizdiń kitaphana birinshi kezekte jańa tehnologııalarǵa erekshe mán beredi. 3 D prınterimiz bar.
Bizde barlyǵy avtomattandyrylǵan. Oqyrman kitapty ózi tańdap, ózi alady. Kitaphanashylar tek keńes beredi. Aǵylshyn tilin úıretýge de nazar aýdaramyz. Áleýmettik jaǵdaıy tómen otbasylardyń balalaryna aǵylshyn tilin tegin meńgertemiz. Jaqynda jas bıznesmenderge aǵylshyn tilin úırettik. Sonymen qatar latyn qarpine kóshý máselesine oraı Almatydaǵy A.Baıtursynov ınstıtýty mamandarymen birlesip onlaın dárister ótkizip jatyrmyz», - deıdi О́skemendegi kitaphana dırektory Habıba Aqjigitova.
Azamat QASYM,
«Egemen Qazaqstan»
О́SKEMEN
