Konferensııaǵa sybaılas jemqorlyqqa qarsy kúres salasynda tájirıbe jınaǵan tulǵalar men ǵalym-oqytýshylar, memlekettik organdardyń basshylary men zańger mamandary, quqyq qorǵaý salasynyń qyzmetkerleri, azamattyq qoǵam, jastar, BAQ ókilderi qatysty.
Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń basshysy A.Muhımov konferensııa jumysyn ashyq dep jarııalap, Qazaqstan TMD elderi arasynda alǵashqy bolyp sybaılas jemqorlyqqa qarsy zań qabyldap, sybaılas jemqorlyqqa qarsy baǵyttar men mindetterdi aıqyndaǵan zańnamalardyń tarıhyna toqtalyp ótti.
Konferensııanyń alǵy sózinde «Nur Otan» partııasynyń oblystyq fılıaly tóraǵasynyń birinshi orynbasary I.Quttyqojaev sybaılas jemqorlyqtyń aldyn alýda jetekshi partııanyń róli erekshe ekendigin aıtyp, konferensııa jumysyna sáttilik tiledi. Kelesi kezekte sóz alǵan oblystyq máslıhat hatshysy N.Baıqadamov «Rýhanı jańǵyrý aıasynda sybaılas jemqorlyqpen kúres» taqyrybynda habarlama jasady.
Medısına salasynyń ardageri, oblystyq ardagerler keńesiniń múshesi T.Mahanov konferensııanyń taqyrybyna sáıkes pikirin bildirse, «Bolashaq» ýnıversıtetiniń oqytýshysy Y.Dýlatov «Sybaılas jemqorlyqqa qarsy zańnamanyń 20 jyldyq qalyptasýy» taqyrybynda jáne Qorqyt ata atyndaǵy Qyzylorda memlekettik ýnıversıtetiniń «Iýrısprýdensııa» kafedrasynyń aǵa oqytýshysy A.Mýıdenova «Qazaqstan Respýblıkasynda sybaılas jemqorlyqqa qarsy zańnamanyń jetildirilýi» taqyrybynda baıandamalar jasaldy.
Konferensııa sońynda tıisti usynymdar qabyldandy.
