Otyrys barysynda aýyl sharýashylyǵy salasynda básekege qabilettilikti damytý, sondaı-aq halyqtyń jumyspen qamtylýyn resmılendirý jáne esepke alýdyń júıelik sharalaryn iske asyrý máseleleri talqylandy.
Atap aıtqanda, aýyl sharýashylyǵy salasyndaǵy qazirgi jaǵdaı, óńirler jáne azyq-túlik, sýsyn jáne jeńil ónerkásip ónimderi óndirisi boıynsha básekege qabilettilikti odan ári damytý jónindegi sarapshylardyń usynystary men taldaýlary qaraldy.
Kún tártibindegi ekinshi másele boıynsha «QR keıbir zańnamalyq aktilerine halyqty jumyspen qamtýdy resmılendirý máseleleri boıynsha ózgerister men tolyqtyrýlar engizý týraly» zań jobasy talqylandy. Joba beıresmı jumyspen qamtylǵan adamdardyń qyzmetin zańdastyrý maqsatynda Biryńǵaı tólem júıesin engizýdi qarastyrady.
Keńeste «Oil Gas Project» JShS dırektory J. Ahmetov, «Qazaq munaı jáne gaz ınstıtýty» AQ bas dırektorynyń keńesshisi J. Kúlekeev, «Qazaqstannyń Halyq banki» AQ basqarma tóraıymy Ú. Shaıahmetova, «Astana» halyqaralyq ǵylymı kesheni» ortalyǵynyń basshysy A. Boranbaev, «Rakýrs» ekonomıkalyq taldaý ortalyǵy» qoǵamdyq qorynyń dırektory O. Jandosov, «Qoǵamdyq máselelerdi taldaý ortalyǵy» qoǵamdyq qorynyń dırektory M. Mahmutova, QR Premer-Mınıstriniń orynbasary E. Dosaev, eńbek jáne halyqty áleýmettik qorǵaý mınıstri M. Ábilqasymova jáne t.b. sóz sóıledi.
