Komıssııa bıýdjettik jáne Ulttyq qordan elimizde qabyldanǵan «Nurly jol» memlekettik baǵdarlamasyna bólingen qarajattyń maqsatty jáne tıimdi jumsalýyn baqylaý úshin qurylǵan. Parlament depýtattary Aqmola oblysy Ereımentaý aýdany -Pavlodar oblysy Shiderti aýylyna deıingi jol qurylysy qalaı júrgizilip jatqanyn kórýge keldi. Komıssııa múshelerin aımaqtaǵy memlekettik baǵdarlamanyń júzege asyrylýymen «QazAvtoJol» UQ» AQ oblystyq fılıalynyń basshysy Qaırat Káribaev jáne oblys ákiminiń birinshi orynbasary Ulan Jazylbek tanystyrdy.
«Uzyndyǵy 905 shaqyrymdyq Ortalyq-Shyǵys jobasy 2010 jyldan beri júrgizilip keledi. Maqsat – Pavlodar-Astanaa tas jolyn I jáne II tehnıkalyq sanattarǵa jetkizý. Kóliktik dálizdiń qaıta jóndeý jumystary 2019 jyly tolyq aıaqtalady dep josparlanýda», - deıdi Qaırat Káribaev.
Eki aralyqtaǵy jol boıynda Irandyq «DenaRahsazKonstrakshn» kompanııasy jumys istegen kezde 115 shaqyrymdyq joldyń 3 ýchaskesinde kúrdeli jaǵdaı týyndaǵan. Talaptar oryndalmaǵan soń, 2017 jyly kelisim-sharttar toqtatyldy. Sondyqtan, Astana-Pavlodar ýchaskesindegi jol qurylysy júzege aspaı qaldy. Qazir qurylys-montaj jumystaryna kirisken jańa merdiger uıymdar («AKM» JShS, «Avtodorservıs» fırmasy JShS, «K-Dorstroı» AQ) belgilendi.
Májilis depýtaty G. Shegelskııdiń aıtýynsha májilis depýtattary – «Nur Otan» partııasy fraksııasynyń músheleri Astana – Pavlodar ,Aqmola oblysy avtojolynyń qurylysynda boldy. Qurylys jumystaryna qatysty kúrdeli jaǵdaı- joldyń Pavlodar oblysyna tıesili ýchaskesinda anyqtaldy. Jaǵdaı túzelýde. Qazirgi kezde jumystar qarqyndy júrip jatyr. Merdigerler jol qurylysyn sapaly, ári merzimge sáıkes aıaqtamaq.
Farıda Byqaı,
«Egemen Qazaqstan»
Pavlodar
Sýretti túsirgen Aıbek Jumatov
