«Úzilmegen úmit» fılmi Reseıde ótken halyqaralyq festıvalde úzdik atandy

Balalar ómirinen túsirilgen fılmniń rejısserleri – Serik Ábishev pen Rýslan Mago­ma­dov, al ssenarıin Iraklıı Kvırıkadze men Sergeı Ázimov jazǵan. Atalǵan fılmdi halyq­aralyq kınofestıvalder­de kórsetip, nasıhattaýdy Sh.Aı­manov atyndaǵy «Qazaq­fılm» AQ júzege asyryp otyr. 
 – Bizdiń fılmimizge joǵa­ry baǵa bergen «Svet mırý» fes­tıvaline jáne onyń qazy­lar alqasyna alǵysym sheksiz. Fılmniń teń rejısseri Rýs- l­an Magomadovpen, sondaı-aq, kartınanyń túsirý tobymen bir­lesip adamdardyń júrek­te­rine jylý uıalatyp, kóńilin nurlan­dyratyn meıirimge toly fılm túsirýge tyrystyq, – dedi rejısser Serik Ábishev. 

Fılmge arqaý bolǵan oqı­ǵany qysqasha taratyp aıtsaq, bylaısha órbıdi. Tut­qynǵa alynǵan qylmysker bir top áske­rılerdiń baqylaýymen Koreıa­dan Eýropaǵa ushyp bara jatqan sátinde tehnıkalyq aqaý­ǵa baılanysty ushaq Qazaq­stannyń beıtanys qalashyǵyna qonýǵa májbúr bolady. Osylaısha temir tordan talaı márte qashyp ketpek bolǵan basty keıipker, taǵdyrdyń buıryǵymen balalyq shaǵyn ótkizgen balalar úıine qaıta oralady. 

Túrli ult ókilderinen qural­ǵan fılm keıipkerleri ortaq til tabysa almasa da, ómirden shýaq tabýǵa, bir-biriniń júrekterine meıirim shapaǵatyn tógýge tyrysady. Sóıtip ıdeıa avtorlary adamdar arasyndaǵy izgilik pen meıirimdi dáripteı otyryp, kórermendi mahabbat pen dostyq sezimderin baǵalaı bilýge shaqyrady. 

Fılmniń basty rólderinde Almaty jáne Almaty oblysy balalar úıiniń tárbıelený­shileri, sonymen qatar Ońtús­tik Koreıanyń balalary oına­ǵan. Sondaı-aq Nurjuman Yqtymbaev, Voıtek Solarz An­to­nı (Polsha), Janel Maqa­janova, Baqytjan Álpeıisov, Eva Beher, Ashat Kchınchırekov, Kat­rın Montondo (Belgııa), Ar­vıdas Dapshısh (Polsha),  Hanbıýl Seo (Ońt. Koreıa), Enok Kım (Ońt. Koreıa), Sýmın Kım (Ońt. Koreıa), Chana Choı (Ońt. Ko­reıa) sekildi ár elden arnaıy sha­qyrylǵan akterler toby fılm salmaǵyn arttyra túsken. Kartına Shyǵys Qazaqstan oblysynda túsirilgen.

ılmniń mýzykasyn elimizge tanymal kom­pozıtor Qýat Shildebaev jazǵan. Al fılmge mýzyka jazý barysynda Batyrhan Shúke­novtiń saksofonmen oryndaǵan ımprovızasııasy negiz bolǵan.

Atalǵan fılm eń alǵash Germanııada ótken 64-Mangeım-Haıdelberg halyqaralyq kınofestıvaliniń negizgi baı­qaýynda kórsetilgen bolatyn. Fılmniń basty rólinde oınaǵan jas akter Amangeldi Qu­saıynov 2016 jyly halyqaralyq «KınoMalyShok» kınofestıvalinde «Úzdik bala róli» júldesimen marapat­talǵany da esimizde. 

Aıgúl AHANBAIQYZY,
«Egemen Qazaqstan»

ALMATY