Oblys jáne qala ákimderiniń úndeýinde Qazaqstannyń úshinshi megapolısi atanǵany tarıhı mańyzdy oqıǵa retinde atalyp ótilgen.
«Jýyrda Memleket basshysy óz sózinde «Qazaqstan aglomerasııany damytý strategııasyn júzege asyrýdy bastady. Eger bizde buǵan deıin mıllıon turǵyny bar tek Almaty qalasy bolsa, qazir úsh megapolısimiz bar - Almaty, Astana jáne Shymkent qalalary. Mıllıondy qala - bul árdaıym jańa ıdeıalar, jobalar men josparlar, aýqymdy ınvestısııalar. Barlyǵy qalanyń damýyna jańa serpin beredi. Shymkent bul mártebeli deńgeıge ǵasyrlar boıy jetti. Bizdi alda úlken ózgerister kútip tur. Eń bastysy - bul jańalyq Shymkent qalasyn odan ári damytýǵa jańa múmkindikter týǵyzyp, árbir qalalyqtyń ómirine jańa serpin beredi, oń áserin tıgizedi dep senemiz. Bul - sonymen qatar, biz úshin asqan jaýapkershilik. Astanada ótken «Bolashaq» halyqaralyq stıpendııasynyń mereıtoıly forýmynda Elbasy bolashaq mıllıondy-qalalardyń qolynda degen bolatyn. Memleket basshysy mundaı qalalar turǵyndar úshin qolaıly, qaýipsiz, turǵyn úı-kommýnaldy sharýashylyǵy jańartylǵan jáne mádenıeti joǵary bolýy tıis dep kórsetti. Shymkent sondaı qalaǵa aınalady dep senemiz. Sebebi bizdiń qalamyzda qonaqjaı, qaıyrymdy, eń bastysy, eńbekqor halyq turady. Biz bárimiz birge Shymkentti Elbasy kútkendeı «aqyldy», «jasyl» ári qaýipsiz qalaǵa aınaldyramyz dep senemiz. Shymkent jańa ıdeıalar halqymyzdyń dástúrimen qatar damyp, ótkenin umytpaıtyn, sonymen qosa jańa tehnologııalarǵa umtylatyn turǵyndar qalasyna aınalady. Shymkent qalasynyń barlyq turǵynyn osynaý tarıhı sátpen quttyqtaımyz! Barshańyzǵa baqyt pen molshylyq tileımiz!»,- dedi Ońtústik Qazaqstan oblysynyń ákimi Janseıit Túımebaev pen qala ákimi Nurlan Saýranbaev.
