Sýretti túsirgen Aıan Sabyr
E. Permıakovtyń balalarǵa arnalǵan shyǵarmasy negizinde jazylǵan «Otpen oınama!» atty ertegisi kórsetildi. Teatr rejısseri Ádilet Aqanovtyń aıtýynsha, teatrda balalarǵa arnalǵan birneshe qoıylym bar. Otpen oınama taqyryby-ózekti. Maqsat-ot pen sýdyń qanshalyqty qaýipti ekenin sahandan kórsetip kishkentaılarǵa oı salý. Ertegi arqyly kórsetip órttiń qaýipti ekenin túsindiredi.
Ertegi bastalmas buryn balalar teatr foıesindegi oblystyq tótenshe jaǵdaılar jónindegi departamenti arnaıy daıyndaǵan kórmemen tanysady. Kórmede órt sóndirý tehnıkalary, qural-jabdyqtary men kıimderi qoıylǵan. Mamandar ár balany kórmege qoıylǵan zattarmen tanystyryp, olarǵa órtten saqtanýdyń erejeleri jazylǵan paraqshalardy úlestiredi.
-Jalpy, jaz mezgilinde órt qaýpi jıi kezdesedi. Osyǵan oraı biz oblystyq J.Aımaýytov atyndaǵy, A.Chehov drama teatrlarymen birlesip, balalarǵa arnalǵan ertegilerdi qoıýdy qolǵa aldyq.Maqsat órt qaýipinen saq bolýǵa, sirińke tárizdi ot tutandyratyn zattarǵa jolamaýǵa, ata-analardy balalaryn jalǵyz qaldyrmaýǵa shaqyrý. Bıyl óńirde balalardyń qatysýymen órtke qatysty 3 oqıǵa tirkeldi, - deıdi órt qaýipsizdigin baqylaý jáne aldyn alý basqarmasy bastyǵynyń orynbasary Qaıyrgeldi Álimhan.
Al «Otpen oınama!» qoıylymyndaǵy rolderde Erkejan Tóleýbek, Qobylandy Bolat, Nurserik Keńesbaev, Aıgerim Súleımenova jáne teatrdyń basqa ártisteri oınaıdy. Ertegi maýsym aıynda da jalǵasady.
Farıda Byqaı,
«Egemen Qazaqstan»
Pavlodar
